Minbu 34

Gamgi Ho

1Chuin Pakaijin Mose heng’a thu aseijin, 2“Hiche hilchahna ho hi Israel te pen: Keiman nagoulo diuva kapeh nau Canaan gam chu nalhun tengu leh, agamgi ho chu hiche ho hi hi ding ahi. 3Lhanglam a gamgi ding chu Edom lhaang chin'a Zin gamthip a hung kilhung pan ding ahi. Lhanglam gamgi chu Twipi Thi solam hi ding ahi. 4Chu a pat lhanglam Aipi Paltan a kilhungsuh Zin langkai hi ding ahi. Alhanglha pen mun chu Kadesh-barnea hi ding, chu apat a kilhung a Hazar-addar, chule Azmon chan'a kilhung ding ahi. 5Azmon apat gamgi chu Egypt vadung langa kihei ding chule akingahna chu Mediterranean Twipi hi ding ahi.”

6“Lhumlam na gamgi diu chu Mediterranean Twipi pang chin hi ding ahi.” 7“Sahlam gamgi ding chu Mediterranean Twipi kipan ding chule Hor Molsang solam chan kilhung ding, 8chu a konna Lebo-Hamath, chule Zedad 9le Ziphron apat Hazar-enan chan kilhung ding ahi. Hiche hi sahlam na gamgi diu chu ahi.”

10“Solam gamgi chu Hazar-enan a kipan ding chule Shepham langa kilhungsuh ding, 11hitia chu Ain solam gamkaiya um Riblah chan geija kilhung lut ding ahi. Chu a konna agamgi chu solam Galilee Dillen pang geiya gamgi kilhung ding, 12Chuban leh gamgi chu Jordan vadung apat kilhungsuh peh ding Twipi Thi chan geiya kilhung lha ding ahi. Hiche ho hi na gamgi diu chu ahi.” 131

Chuin Mose’n Israel chate henga hiti hin aseijin, “Hiche gam hi nangho le nangho kah a vang nasan uva nakihop diu nagam uchu ahi. Pakaijin thupeh chu phungko leh phung kehkhat ho kihom diu ahi. 2 14Reuben phung, Gad phung, chule Manasseh phung kehkhat hon gam kiphalpeh chu anei sohkeiyun 15Jordan Vadung solam lang, Jericho gal apat nisona lam chu ahi.”

Gam homtoh ding lamkai ho

16Pakaijin Mose henga hiti hin aseijin, 17Thempu Eleazar leh Nun chapa Joshua chu mipi ho dia gam homtoh ding teni ahi lhon'e. 18Aphung cheh a lamkai khat cheh le atoh ding semtoh lhon'in. 19Hiche ho hi phung ho le lamkai ho min ahi:

Phung

Lamkai

Judah

Jephunneh chapa Caleb

20Simeon

Ammihud chapa Shemuel

21Benjamin

Kislon chapa Elidad

22Dan

Jogli chapa Bukki

23Manasseh son of Joseph

Ephod chapa Hanniel

24Ephraim son of Joseph

Shiphtan chapa Kemuel

25Zebulun

Parnach chapa Elizaphan

26Issachar

Azzan chapa Paltiel

27Asher

Shelomi chapa Ahihud

28Naphtali

Ammihud chapa Pedahel

29Amaho hi Canaan gamsung a Israel chaten alo diu gam homtoh ding’a Pakaijin angense ho chu ahiuve,” ati.