Mark

MARK

KIPANA THUPHA

Hahsatna dinmun a umho dinga Kipana Thupha

Jesu kineosahna le thaneina hin tahsan le thohhatna asodoh e.

Gospel Mark lekhabu sung thu umdan

Radio le TV station ho hin minute somthum sunga vannoi thu le la ho alhangpin akila khom ho ahin phongdoh theiyin ahi. Hitobang chun, Gospel Mark jong hin Jesu Christa Pathen Lhachapa ahina thudol jong hi thuchomcha ajih sunga hi kihesoh jeng ahi. Thusim kisei lah a thusim kidang pen: Jesu thuhil, thil kidang abol ho, ahung minchena le Ama dou ahung pun cheh-cheh thudol ho akisun sohkeijin ahi.

Hiche Gospel jihpa hi ngaman a ana pang, Peter toh kivop ahin, Pakai seijui pipuho lah a khat nungjui ahina a Pakai Jesu leiset hinkhoa gunchu tah, panpi ngaicha ho panpina pea chule adamlou ho boldama, kinepna neilouho tilkhouva, sohchang ho lhadoh a chule muthim'a umho vah loupi tah pepa chu ahi.

Lekhabu jihpa

John Mark kiti gollhang khat Jerusalem khopia meithai, amin Mary kitinu chapa ahi.

Koi henga chule itih kum a ajih ham?

Lekhabu kijih kum hi, Rome khopi kihal jou leh Jerusalem kisuhmang masang hidin ginchat ahijeh in AD 64 don hinte, tihi alhangpia pomdan ahi. Hichu Rome khopia cheng tahsan ho kom'a ajih ahi. Mark hin tahsan ho gimbol hesoh Rome Gamvaipoa kon'a thoh ahiu chu tilkhouna a ajih ahi.