John

JOHN

KIPANA THUPHA

Natahsan theina ding'un

Jesu Pathen Chapa tahbeh, thutah le ngailutna bulhingset a kiphong doh

Gospel John lekhabu sung thu umdan

John lekhabu hi Jesu natoh jat chom-chom chule ipi jeh pen'a hung ham ti bailam tah a hetna hi ding ahi. John in aseibena ah, Jesun thilphabep kultah a ngaito dingin natoh anei e, hiche natoh phabep akon chun Ama koi ahi, hetdohna tei ding ahi. Jesun melchihna sagi abol ho bou John in ajihlut ahi. Ajeh chu hiche melchihna ho hin Jesu Pathen Chapa ahi, ti aphochen in ahi. John in aseijin, “Vannoi pumpi lekhabu kijih ho sanga hop-lenjo ahi,” ati

Gospel John hin, Vah chule Hinna hi Pathen natoh ho hinkho lamhil'a pang ahi, ti avetsah e. Jesu thuhil chom-chom gospel danga kimulou jong ajaovin ahi. Jesu Meissiah, Van'a kon Hinna Changlhah, Pathen hinsol, Vannoi vah, Kot, Kelngoi ching, Pathen Chapa, Thodoh kitna, Hinna, Lampi, Thutah, Lengpigui tahbeh chule Judah te lengpa ahi. Hiche hoa kon tahsanna dihtah neina ding tina ahi.

Lekhabu jihpa chule ajih kum

Solchah John, Zebedee chapa

Koi henga chule ipi dinga ajih ham?

Asia minor gamsunga Judah mi hilou, Jesu tahsan a anungjui ho gelkhohna a ajih ahi. Amaho chu alhangpia Greek miho chihgilna thuhil hatna mun'a cheng ho ahiuve. Chulaiya Greek te thuhil loupi khat chu, Jesu chu Pathen ahin, mihem tahbeh ahipoi tia hetchenna giltah neiho bou huhhingna chang ahi, atiuve. Hijeh chun John in, “Huhhingna chu Pathen Chapa Jesu eiho lhatdoh dinga mihem tahsaphe a hung ahi, ti tahsan jouse chang ding ahi,” ati.