Job 37

1“Hicheng ho hi kagel ji teng ka lungchang aphudot dot jengji.

Ka sunga hin akithing thing jin ahi.

2Pathen kamsung'a konna hung doh

a ogin thong khu phaten ngai uvin.

3Van dung lhungin agin akitol in,

chuleh kolphe vah in ningtin asalvah phan ahi.

4Chuti chun huipi gopi kitum gin in—

alal loupina ogin nasatah in ahungin ahi.

Aman thu asei teng jongleh akituh tang dehpoi.

5Pathen Ogin chu van gin in aloupi sah e.

Athahat aloupina chu ei gelphah hoi ahipoi.

6“Aman buhbang leisetna longlha din thu apejin

go jong leiset chunga longlha din thu apeji e.

7Chutengleh mijousen anatoh u angan

hiti chun athaneina chu ave jiuve.

8Gam'a gamsa ho akikhu khum un

chuleh akosung uvah aum denji tauve.

9A indan sunga kon'in huipi gopi ahungin,

chuleh hiche a kon chun huidap ahung nunge.

10Pathen hu haikhum chun buhbang lhang asosah in,

chuin twi chu atebep bep chun akanden sah jin ahi.

11Meiho chu twi akhumdim jin,

chule kolphen avahsah ji e.

12Ama thusah a meilhang ho hi kitol leleuva,

leiset chunga hi aman thu apeh jouse aboljiu ahi.

13Hicheng ho jouse hi mihem engbolna ham

ahilou le tang theilou ngailutna vetsahna a abolji ahi.

14“Job, hiche hi phaten ngaijin.

Pathen natoh thilbol kidang tah-tah ho ngaito din khongaijin!

15Itobang tah a Pathen'in huipi gopi athua anunsah a

chule meilah a konna kolphe ahin vahdoh sahji hi nahet em?

16Akhut themna leh akidanna chamkim keija meilhang ho atolle le ji hi

iti dan ham ti nahet doh jou ding ham?

17Nangin na-ul thehna pon’a nakitheh tengleh

lhanglam hui hung nung intin chule thil ijakai thipchet intin,

18sum-eng phetvet bangin vanthamjol'a kon'in asat chu akikhodoh sah jin ahi.

Hichu nangin nabol thei dem?

19“Hijeh chun Pathen kom'a ipi kasei diu ham.

Keihon imacha hetna kanei pouve.

20Pathen'in akom'a thu kasei nom hi eihet peh dem?

Mihem te jengin jong thil ahetkhen theilou teng ule thu akisei thei diu ham?

21Huijin meibol ho amut theng soh tengleh,

vantham jol'a nisa khu avah behseh jeh in

eihon ive theiji pouve.

22Pathen hi molsang a konna sana lal loupina a kijem'a hung'ah ahi.

Ama chu alal loupina leh ahoina jousea kijem'a ahi.

23Hatchungnungpa thahatna ho chu ei ngaito phah hoi hilou ahi;

ahijeng vang'in athudih in chuleh achonphan,

aman eiho eisumang pouve.

24Datmo umtah in muntinna mihem ten ama aging uve.

Miching ho jouse ajanau avetsah uve.”