Hosea 3

Hosea Jinu Kijoh

1Chuin Pakaijin kakom'a aseiye, “Chenlang nainneipi ngailukittan, amanun michom dang toh jonthanhoina neijeng jongleh ngailukitin. Hichun vetsah chu Israel mite pathen dang ho kom'a kiheimangu henlang, hou jonglehu, Pathen'in angailu jing nalaijuve. 2Keiman amanu chu dangka som le nga chule butun pocha nga a kakile choh kit ahitai. 3Chuin amanu kom'a kaseijin, tuphat laihin, nangma midangtoh chule keima toh jong nakitimat hihlaiye. 4Hiche hin avetsah chu, Israel hi lengnu le lengpa nei louva chule gan kilhaina nei louva le thempu theng ahilou le milim doi jeng jong, phat sottah aneilou diu ahi. 5Ahin khonung leh, hung kilehei kitun tin, Pakai a Pathen'u heng le alengpau David alhangaidiu; khonung tengleh, Pakai a Pathen’u phatna agin diu ahi.