Hebrew

HEBREW

MITE HENGA

LEKHATHOT

Jesu toh tekahpi ding umlou ahi

Aman nang din lampi khat na sempeh e; Juijin–itobang hahsatna hijongleh

Hebrew lekhabu sung thu umdan

Hahsatna phat tampi itoh jiuvin, hitobang chun eihin lhunkhum teng ule thil khat chu bangkhaiyin iumsahji tauvin ahi. Hiche hoa kon'a chu itilam dol'a ikisinsahpi jou ding ham, ti avel'in geldoh ute. Hebrew lekhabu hi hitobang dinmun chu ahin, adeh a Jesu nungjui Judah te chun atahsan jalun hitobang chu atoh jom jing tauvin ahi. Hinlah Jesu chu thil dang imatoh akitekah thei pon , koima toh jong akitekah theipoi—Vantil ho sanga chungnungjo, Mose, Joshua, Aaron, Melchizedek ho sanga chungnungjo ahi. Ipi dinmun hijongleh Jesu kal a manlu ding dang aumpoi, ti muchet ahi. Ajihpa hin kijom in Thulhun Lui dan le bih chule Thulhun Thah a tahsan'a hin ding dan tekahna apen ahi. Hijeh chun hiche dinmun toh kisaijin Judah te chu Thulhun Lui lam avel a asutlou uva kitepna thah lam mano dingin ajih in ahi. Itobang dinmun hijongleh Jesu kalval aumpoi tihi—Hebrew lekhabua kon muchet ahi.

Lekhathot jihpa chule ajih kum

Hebrew lekhabu jihpa thua hin thudoh aum jingin ahi. Hinlah donbutna hi-koi jih ahi, akicheh poi. Mi tampi mudan in Solchah Paul jih ahi atiuvin, ahin akiloipi Judah te lah a Barnabas, Apollos le Priscilla khat pen hi dingin jong ginmo ahi. Lekhajol aluiho mudoh a kon'in numeiyin ajih hidin jong ginchat aumin, ahin koipentah ham kihe joulou ahitai.

Akijih kum hi Nero lengpa vaihopna noiya tahsan chate suhgentheiya aum hichu, Peter le Paul martyr chan jou AD 60 jou vellah hidin ginchat ahi.

Koi henga ajih ham?

Christa jal'a bolgimna thoh Judah te dinga kijih ahi. Bolgim nan alhun khum'u dinmun laitah a Thulhun Lui juiya Christa atahsan nau ajamsan nalou diuva kijih ahi. Hebrew lekhabu hin athahbeh in Christa tahsan jal a hinkho phal ngamna thun, tilkhouna aneijin ahi.