Semtilbu

Mose Lekhabu Khatna

SEMTILBU

Semtilbu asung thu umdan

Hinkho hi ipi ham, ti thua semtilbu hin ijakai ahung kipatna thudol donbutna apen ahi. Semtil thudol tampi aseijin: Thingphung ho le gancha ho, mihem masa pasal le numei chule Pathen mi huhhingna thudol jong ajaovin ahi. Pathen toh Noah, Abraham, Joseph le adang-dang ho toh akiloi khomna thudol jong aumin ahi.

Semtilbu hi thanop umtah chule thusim suhmil theilou tampi jong ajaovin, chule hiche lekhabu hi thupi tah ahi. Ajeh chu Pathen le mihem kiguijopna thudol aseijin honsunga kitepna suhkeh a um chule athahbeh a kilhaina toh thoa Pathen henga kipehlutna thudol jong aseijin ahi. Semtilbu thusim ho a kon hin chonset jeh a avel vel'a kisihna toh thoa tantih nei louva Pathen tohgon lolhinna ding muchet ahi.

Pathen'in vannoi leiset le asunga um thil jouse ana sem chai phat chun aven pha asa lheh jenge, ahin vannoiya chonset ahung luttan; chuin Pathen thilsem ho jouse chu asesoh tai, hichun Pathen'in huhdohna dingin tohgon khat ahin neiyin ahi. Chule Semtilbu hin, Vannoi leiset semtil'a pat Israel chate Egypt gam ahung lhun chan gei ule, nam khat ahung lhin chan gei'u ahop in hichu 1800 BC vel ahi.

Lekhabu jihpa, akijih kum chule koi henga ajih ham?

Semtilbu hi Mose'n 1446-1406 BC sunga anajih ahi. Hiche hi, vannoiya mijouse phatthei achan theina diuva anajih ahi (Gen 12:3).