Potdohbu

Mose Lekhabu Nina

POTDOHBU

Potdohbu sung thu umdan

Pathen'in Israel nampi alhunna ding'u mun akomu pehna Potdohbu ahin akimun ahi. Israel mite kicha pum'a akijot nau le akidel khum nauva kon thusim saotah chuleh ahangsan nau jong akimu in ahi. Pathen'in Israel te asoh chan nauva kon'in ahuhdoh jingin hinlah amaho chu Pathen'a kitah-tah in ading jouji pouvin, tahsan nan ana lhasam jiuve tijong akimun ahi. Hijeh chun atahsan nau lhahsam jia kon'in kihilna thei tampi aum'e ti muchet ahi: Mi lhasam hon jong Pathen akimu theiyun, chule Pathen'in amaho lungsetna bukimsel'in angailu jin ahi.

Potdohbu hi nia akihom khen'in ahi. Bung khat apat som le ko chan ahin Israel mite asohchan nauva kon akilha ong nau aseijin, chule Bung somni apat somli chan ahin Dan ajui uva Pathen kin abol diu aseijin ahi. Potdohbu a kon'in bannei chan Pathen thaneina, loupina chule ngaidamna le lungsetna lhingsel'a Anatoh ho akilangin ahi.

Potdohbu hin Pathen le mihemte kah a thusim chedol avetsah in, Pathen ngailu jouse Aman kidangtah in alhunna ding mun alhunsah teiyin angailu in ahi. Ajeh chu Pathen'in Mose angailu in akithopin ahile Mose chu Israel mite chung'a lamkai pipu in ahung pang tan ahi. Pakai, Pathen hi mihemte alhahsam nauva kon'a kivengpha ho chung'a alunglhai jin ahi. Ajeh chu Pathen tailou kinepna ding dang umlou ahi.

Lekhabu jihpa chule akijih kum

Potdoh bu hi Mose in 1440 BC vel'a anajih ahi.