PATHEN LEKHABU THENG
Esther 10
Xerxes Le Mordecai Let Le Lalna
Xerxes lengpa hin ama gamsung pumpi keo hilouva twikhanglen pang mun gamla tah a jong kai analah ahi. Ama tohdoh thupi tah-tah ho leh, aman ana tunlet Mordecai nasatna ho hi Media Le Persia Lengte Thusimbua kijihlut a ahi. Judah mi Mordecai hi Xerxes lengpa bantah a thaneijin apangin ahi. Ama hi Judah te lah a mithupi tah ahung hin chuleh jana sangtah ana peuvin ahi, ajeh chu aman amite dingin thilpha ana tong jingin chuleh khang nunungho chan geija aphatna diuvin thu ana seijin ahi.
PATHEN LEKHABU THENG. Copyright © 2020 Chongthu Bible Translation Team. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.