1 Thessalonica

THESSALONICA

MITE HENGA

PAUL LEKHATHOT KHATNA

Thina le hinna thudol

Paul in khonunga dia tahsan le kinem'a hinje eivetsah nau

1 Thessalonica sung thu umdan

Tulaija jonthanhoi thu akiha sei tobang hin, Thessalonica khopi jeng jong chu jonthanhoina thua kiboina mun khat anahi. Eiho jong hi, inopnop u bolthei ahi kiti Kiloikhomna (permissive society) lah a khosa ihinauva, hinkho thenga ihin theina diuva Thessalonica Houbung mite kithuhilna hi eiho ding adeh a khangthah te dinga phachom ahi. Pathen'in alunggon'a akou ho dingin alunggon abulhit theiye ti iheuve

Thessalonica Houbung mite hi Paul in Chinghoi Kaihoi hina lungchang pu in agelkhoh in, Pathen Thu thaneitah in ahinkho'u akhelpeh chung changa akipapin ahi.

Lekhathot jihpa chule ajih kum

Solchah Paul'in AD 50 vel'a chu Corinth mun'a ana jih ahi.

Koi ho dinga a ajih ham?

Paul anivei channa Missionary kholjin'a ache sunga Thessalonica Houbung mite henga ajih ahi. Ama deidan toh kitoh louvin ana suboi tauvin, ahengu adalhah loinadin angeh uvin ahi. Ahinlah hitobang thusoh ho jal chun Paul in Pakaiya akhanlhit na diuvin kihetthem louna jouse suhdihna dingin ngehna aneijin ahi. Solchah Paul'in lekhathot ajihhoa hin atamjon amin achonsah tha cheh in ahi.