1 Peter

PETER

PETER LEKHATHOT KHATNA

Hahsatna ahunglhun leh ipi iti ding?

Nangma lengcha nahi! Hiti chun lunglhah bol hih in!

1 Peter lekhabu sung thu umdan

Hahsatna ahunglhun teng ipia kinepna naneiji em? Hahsat nan naphah tengleh hoiya chu thahatna nakimuji em? Hahsat nan nahin chup teng ipin tahsan na'a na khantou sah theiyem? Pakai Jesu jal'a chu nangma Pathen a nahitai. Pathen deilhen, thempu, namtheng chule Pathen a chu nahi ahitai

Lekhathot jihpa, ajih kum chule ajihlona

Hiche lekhathot hi Pakai Jesu seijui som le ni lah a apipu pen, Peter hin AD 63 kum don'a chu anajih ahi. Chule Peter hin Rome khopia kon'a tahsan chate kithecheh ho Asia Minor gamkai, tua Turkey tia kihe, mun'a umho henga athot ahi. Christian hahsatna toh a gimbol hesohna thoh ho, Pathen'in einungsun hitam? tia lungdong ho tilkhouna a ajih ahi. Aman gim hesoh thohna jenga jong kinepna hinkho aman diu leh hinlona jeh akimudoh diu deisahpeh jeh a amaho tilkhouna a ajih ahi.

Pathen tohgon thusim umdan

Apatna lam'a Rome solkal hin Judah te le Christian ho hi hou chamlhatna anapeh gel ahiuve. Hinlah Judah te le Christian kikah a kitomona ahung umbe cheh-cheh phat in, Christian ho hetkhelna ahin neipan kit tauve. Ijeh iham itileh gamsunga kitomona hi Rome solkal dingin lenggam nom'a kivaipohna asuboiye, atiu ahi. Hiti chun Christian chonna ho hin midangto kibah louna asodoh e, ti jeh in dangdatna, engbolna, matna chule anei agouhou lahpehna geijin ahin bolse tauve. Mi phabep chu atahsan nauva alung linglau tauvin, Peter jeng jong chu avoh uva chule atahsan thudol'a songkul'a khum ana hitai. Hijeh chun Peter hin thohhahsa thohpum'a tahsan le kinepna neija hin ding ahi, tithua tilkhouna a ajih ahi.