1 Corinth

CORINTH

MITE HENGA

PAUL LEKHATHOT KHATNA

Ngailutna sodoh tei ding lunggon neiyin

Houbung boina neipet a dinga chihna thuseiho!

1 Corinth lekhabu sung thu umdan

Corinth Houbung a kiboina, kibung khenna, kinahna, anaum hin Christian ho lhagao thua alhahsamnau akimudoh in ahi. Tulai dinmun to kitoh boinaho-Court ahilouleh Haosa kom'a kiheh, jinei kisuhlouna, kida chule lhagao thilpeh thudol'a kiboina umho thudol akiseiyin chule tulai Houbungin chutobang phat teng, iti ding ham ti thun Solchah Paul in hilna aneijin ahi. Paul in Pathen chate ho chu chonna thenga chon ding, Lhagao Theng chenna ahiu

Hijeh chun hiche lekhathot hi simjom jinga pha ahi. Hiche lekhabu nasim'a kon'a nangma hinkho kikhol chilna neiya hoilai pen chu na kisuhdih ding ham, ti naki mudoh thei ding ahi.

Lekhathot jihpa chule ajih kum

Hiche lekhabu jihpa hi Solchah Paul ahi. Aman hiche lekhabu hi AD 54 ahilouleh AD 55 kum'a ajih hidin ginchat ahi.

Koi henga ajih ham?

Solchah Paul in Corinth kiti kiveina khopia cheng Greece gamsunga Gentile pengthah ho henga ajih ahi. Solchah Paul in Corinth Houbung hi ana phudoh jou kum ni, kum thum jouvin boina phabep in ahin phatai. Houbunga kitomona, kibung khenna, lhagaova louchalna, jinei kisuhlouna, penthah chanpi alam louva bolna, lhagao thilpeh mankhelna, lhagaova pilhin theilouna ho jeh a boina jat chom-chom umho suhthip le lhagaova kiledohsahna ding deina a hiche lekhathot hi anajih ahi.