Saam 124

1Bawipa mah ningnih benna ama awm mai mantaw – Israelkhqi ing kqawn seh – 2Bawipa mah ningnih benna ama awm mai mantaw, thlangkhqi ing ningnih ani tuk khqi awh, 3cekkhqi ing ningnih ak khan awh amik kaw a so awh; ningnih ce a hqing na nik daih khqi hawh kaw; 4tuibau ing ningnih ce ni sing malh kawmsaw, tuibak ce ningnih ak khan na tho hawh kaw, 5tuibau tha ak awm ing ningnih ce ni zawn khqi hawh kaw. 6Cekkhqi a ha ing ningnih am choek nawh, Bawipa venawh thangleeknaak awm seh. 7Pha a ham dawng ak dunkung ak dawng awhkawng a hlawng pha amyihna ningnih taw ni awm uhy; dawnkhqui ce boet nawh, ningnih ce ni loet uhy. 8Ningmih bawmnaak taw dek ingkaw khan ak saikung, Bawipang ming awh ni a awm.