Baibal Olcim
Tingtoeng 82
Aka Dueng Laitloeknah a Bih
Asaph kah Tingtoenglung
Pathen tah Pathen kah hlangboel khuiah pai tih pathen rhoek lakli ah lai a tloek.
Me hil nim dumlai na tang sak uh vetih halang rhoek kah maelhmai na dan uh ve? Selah
Tattloel neh cadah te laitloek pah lamtah mangdaeng neh aka vawtthoek te tang sak.
Tattloel neh khodaeng te hlawt lamtah halang rhoek kut khui lamkah huul lah.
Tamyin khuiah pongpa uh tih diklai kah a yung boeih a tuen khaw ming uh pawt tih yakming uh pawh. 1
Nangmih tah pathen rhoek neh Khohni ca rhoek ni. Nangmih boeih taengah kamah loh ka thui coeng.
Tedae hlang bangla na duek uh vetih mangpa pakhat bangla na cungku uh ni.
Namtom rhoek boeih te namah loh na pang coeng dongah Pathen aw thoo lamtah diklai he laitloek thil laeh.
Source notes (1)
- Cross-reference Jhn 10. 34.
Baibal Olcim. Public domain. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · SourceEdition imported 2026-10-25.