Tingtoeng 54

Loeihnah Ham Thangthuinah

Rhotoeng neh aka mawt ham, “Ziphim loh Saul taengla cet tih kaimih taengah David a thuh moenih, a ti nah vaengkah, David hlohlai

1Aw Pathen na ming neh kai n'khang lamtah, na thayung thamal neh kai n'tang sak.

2Aw Pathen, ka thangthuinah he ya lamtah, ka ka lamkah ol he hnatun lah.

3Hlanglak rhoek kai taengah tlai uh tih, hlanghaeng neh a hmai kah Pathen te, a nawt na uh kolla ka hinglu a mae uh. Selah

4Kai he Pathen loh m'bom tih, ka hinglu aka talong rhoek taengah ka Boeipa om ke.

5Ka lungawn rhoek soah a thae neh thuung rhoe thuung lamtah, na oltak neh amih te biit lah.

6Na taengah kothoh te, kan nawn saeh lamtah na then dongah BOEIPA nang ming te ka uem eh.

7Citcai cungkuem lamkah kai n'huul tih, ka thunkha rhoek te ka mik loh a sawt.