Baibal Olcim
Tingtoeng 110
Manghai Khosoih
David kah Tingtoenglung
BOEIPA kah olphong loh ka Boeipa la, “Na thunkha na kho ham khotloeng la ka khueh hilah kai kah bantang benah ngol,” a ti nah.
Nang kah sarhi conghol te BOEIPA loh Zion lamkah han thak vetih na thunkha rhoek lakliah a taemrhai ni.
Na khuehtawn tue vaengah na pilnam loh rhuepomnah hmuencim ah kothoh a khueh vetih, na kah buemtui oila khaw khopo bung khui lamkah nang taengla ha pawk ni. 2
”Melkhizedek banghui la kumhal duela na khosoih coeng,” tila BOEIPA loh a toemngam coeng dongah kohlawt mahpawh.
Na bantang kah ka Boeipa loh a thintoek hnin ah manghai rhoek a phop ni.
Namtom ham lai a tloek vaengah rhok a hmoek vetih diklai pum kah a lu khaw a phop ni.
Long taengkah soklong tui te a ok vetih a lu a pomsang ni.
Source notes (2)
- Cross-reference Mat 22. 44; Mrk 12. 36; Luk 20. 42,43; Clt 2. 34,35; 1Ko 15. 25; Eph 1. 20-22; Kol 3. 1; Heb 1. 13; 8. 1; 10. 12,13.
- Cross-reference Heb 5. 6; 6. 20; 7. 17,21.
Baibal Olcim. Public domain. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · SourceEdition imported 2026-10-25.