Sunglat

SUNGLATNAH

(The Book of Exodus)

Sunglatnah Cabu Kawng

Sunglatnah he Greek lamah exodus a ti. A thui ngaihnah tah sal khui lamloh amah kho la a mael ke a thuingaihnah. He cabu dongah Boeipa loh a pilnam Israel ca rhoek Egypt lamloh a doek tih a mawt kawng te a thui.

Sunglatnah cabu dongah he Pathen bueng he Pathen tangla om tih suentae boeih kah boeilu kungmah a om te a thui. Pathen loh saii hamla a caai coeng atah u ca long khaw a paa sak thai moenih.

Sunglatnah cabu he hlopthum la a boel tih (Sng 1—13) he tah Egypt khuikah a om vaengkah te a tueng sak. Manghai loh Israel ca rhoek te sal la a tueihno a tueiba. Amih kah bomnah ham a rhah ol te Pathen loh a yaak. Amih loeih sak ham te Moses a tuek. Israel ca Moses te Epgypt boeinu loh a ca la a cun.

Israel ca te loeih sak ham Moses loh a kuek dae Egypt manghai Pharaoh lo a aal. Te dongah Egypt kho ah lucik parha a pai sak. A hnukkhueng lamtah Israel ca rhoek te Egypt lamloh a caeh sak.

A pabae la (Sng 14—18) dongah tah Israel ca rhoek Pathen kah Tlang Cim, Sinai tlang la a caeh vaengkah te a thui. Egypt manghai Pharaoh loh a thinko vilvak a tho tih a hlah tangtae Israel ca rhoek te koep a tuuk sak. Tedae Pathen loh Israel ca rhoek te a huul tih Egypt caem te boeih a thup. Te phoeiah Israel ca rhoek kah yincaehnah khosoek ah amih ham tui neh buh khaw kho a khan pah.

A tloihsoi kah (Sng 19—40) he tah Sinai tlang kah aka thoeng te ni a thui. Te ah te Pathen loh Moses a voek. Te vaengah anih te Pathen loh bawknah, hmueihhlutnah, vuenhlaem khosaknah, khosoih hnicu, Dap hmuencim, hmueihtuk ham olkhueng a paek. Kai tah sal la na om nah Egypt kho lamloh aka coe puei YHWH Pathen ni a ti lalah mueirhol a saii uh tih kutsai pathen a bawk uh kawng khaw a tueng sak.

Sawt Yoeinah

Israel ca rhoek sal a binah

Moses omnah neh a rhoengnah

Pathen loh moses a tueihnah

Lucik pako a thoengnah

Lucik hnukhueng neh sunglatnah

Carhaek Tuili

Moses loh Sinai la pilnam a khuen

Olkhueng lungrha neh olrhi rhoek

Hmuencim dap neh paipi thingkawng

Khosoih neh Sabath kawng

Pilnam loh mueirhol a bawk

Pathen kah olkhueh neh pilnam ham olkhueng

Hmuen cim kah nawnnah neh khosoih hnicu

Hmuen cim ham kutthai rhoek kah bibi

Khosoih ham himbai a saii pah

Hmuen cim te a thoh coeng