Baibal Olcim
Tingtoeng 47
Mamih kah Pathen Manghai
Aka mawt ham Korah ca rhoek kah Tingtoenglung
Pilnam boeih loh kut paeng uh lamtah tamlung ol neh Pathen taengah yuhui uh lah.
Khohni Yahweh tah rhih om tloe tih diklai pum kah manghai tanglue la om.
Pilnam rhoek te mamih hmuila, namtu rhoek te mamih kho hmuila a hlak.
A lungnah Jakob kah a mingthennah, mamih kah rho te mamih ham a tuek. Selah
Pathen tah tamlung neh, BOEIPA tah tuki ol neh luei coeng.
Pathen te tingtoeng uh , tingtoeng uh , mamih kah manghai te tingtoeng uh , tingtoeng uh.
Diklai pum kah Pathen Manghai he hlohlai neh tingtoeng uh.
Pathen tah Namtom boeih soah manghai coeng tih Pathen tah amah kah hmuencim ngolkhoel dongah ngol.
Diklai photling rhoek he Pathen hut la om tih a thueng soeh dongah pilnam hlangcong rhoek loh Abraham Pathen kah pilnam a tingtun thil uh.
Baibal Olcim. Public domain. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · SourceEdition imported 2026-10-25.