Baibal Olcim
Tingtoeng 122
Jerusalem Ham Thangthuinah
David kah Tangtlaeng Laa
Kai taengah, “BOEIPA im la cet uh sih,” a ti uh vaengah ka kohoe.
Jerusalem nang kah vongka ah kaimih kho loh pai uh tih om uh.
Jerusalem te khopuei la tun cingcui sak ham ni a thoong.
BOEIPA kah koca koca tah olphong bangla BOEIPA ming te uem ham Israel taengla pahoi cet uh.
David im kah laitloeknah ngolkhoel ham ngolkhoel te pahoi a hol uh.
Jerusalem kah sadingnah hamla bih uh. Nang aka lungnah rhoek tah dingsuek saeh.
Na rhalmahvong khuiah rhoepnah, na impuei khuiah ommongnah om saeh.
Ka manuca neh ka hui rhoek ham khaw, “Na khuiah rhoepnah om laeh saeh,” ka ti eh.
Mamih Pathen BOEIPA im ham ni nang kah hnothen khaw ka toem eh.
Baibal Olcim. Public domain. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · SourceEdition imported 2026-10-25.