Baibal Olcim

Tingtoeng 120

Rhalthalnah neh Uepomnah Tamlung

Tangtlaeng Laa

Kamah kah citcai khuiah BOEIPA te ka khue tih kai n'doo.

BOEIPA aw ka hinglu he laithae hmuilai lamkah neh palyal ol lamloh huul lah.

Palyal ol te nang taengah bahamnim m'paek vetih bahamnim nang taengah hang koei eh ?

Hlangrhalh kah thaltang khaw hlingcet alh bangla sum yipkip.

Meshek ah ka bakuep tih Kedar dap ah kho ka sak dongah kai ngawn tah ka tuisawih coeng!

Rhoepnah aka hmuhuet taengah ka hinglu loh kho puet a sak coeng.

Kai loh rhoepnah ka thui vaengah amih te caemtloek la thoo uh.

Baibal Olcim. Public domain. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · SourceEdition imported 2026-10-25.