Baibal Olcim
Mathai 3
Messiah Pai Coeng
(Isa 40.1-5; Mrk 1.1-8; Luk 3.1-20; Jhn 1.19-28)
Te vaeng tue ah tuinuem Johan ha pawk tih, 1Vaan ram a yoei coeng dongah yut uh laeh,” tila a thui. 2Anih tah, khosoek kah pang ol loh, “Boeipa kah longpuei saelh uh lamtah a caehlong boeih te a dueng la saii uh,” tila tonghma Isaiah loh a thui a phong te ni. 3Johan loh kalauk kah a mul himbai te a bai tih , a haep ah maehpho cihin a naak. Tangboeng neh kohong khoitui te a buh la om. Te vaengah Jerusalem , Judah ram boeih neh Jordan pingpang boeih tah anih taengah cet . Amih kah tholhnah te a phong uh dongah Johan loh Jordan tuiva ah a nuem uh. 4Pharisee rhoek neh Sadducee rhoek khaw anih kah baptisma dang ham muep ha pawk uh te a hmuh . Te vaengah amih te, “Rhulthae cadil rhoek aka tawn uh kosi te rhaelrham tak ham unim nangmih aka tueng. Te dongah yutnah neh a tiing la a thaih te saii uh. 5A pa Abraham om tila nangmih khui ah thui ham poek uh boeh . Khohni loh hekah lungto rhoek lamloh Abraham kah ca rhoek a thoh sak thai te nangmih taengah kan thui. 6Thing kah a yung ah hai te a khueh oepsoep coeng tih thaih then aka thaii mueh thingkung te boeih a vung vetih hmai khuila a voeih ni. Yutnah ham ni kai loh nangmih tui dongah kan nuem . Tedae Kai hnuk ah aka pawk te tah kai lakah tlung . A khokhom dul ham pataeng ka koih pawh . Anih loh nangmih te Mueihla Cim neh hmai neh n'nuem ni. Anih loh a kut dongkah rha neh amah kah canghlom te a yah vetih , a cang te khai khuila a khoem ni. Canghi te tah aka duek pawh hmai neh a tih ni,” a ti nah.
Jesuh Baptisma Loh nah
(Mrk 1.9-11; Luk 3.21-22; Jhn 1.29-34)
Te vaengah Jesuh tah Johan mah loh nuem sak ham te Galilee lamloh Jordan la ha pawk. Tedae Johan loh anih te a mah tih, “Nang loh nan nuem ham te ka ngoe, dae nang te kai taengah lat na pawk,” a ti nah.
Tedae Jesuh loh a doo tih , “Ng 'rhoi laeh, duengnah cungkuem loh mamih taengah a soep la a om ham tueng tangloeng coeng ,” a ti nah daengah anih te a rhoi pueng. A nuem nen tah Jesuh khaw tui lamloh pahoi cet. Te vaengah anih hamla vaan te tarha ong uh tih Pathen kah Mueihla tah vahu bangla anih soah a thoeng pah te a hmuh. 7 Te phoeiah vaan lamkah ol loh, “Hetah ka capa thintlo ni, anih dongah ka lungtlun, “pahoi a ti.
Source notes (7)
- Cross-reference Mat 4. 17; Mrk 1. 15.
- Cross-reference Isa 40. 3.
- Cross-reference 2Mg 1. 8.
- Cross-reference Mat 12. 34; 23. 33.
- Cross-reference Jhn 8. 33.
- Cross-reference Mat 7. 19.
- Cross-reference Sue 22. 2; Tgt 2. 7; Isa 42. 1; Mat 12. 18; 17. 5; Mrk 1. 11; Luk 9. 35.
Baibal Olcim. Public domain. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · SourceEdition imported 2026-10-25.