Forhthlah

FORHTHLAH

Forhthlah pawl ih Ṭuanṭuannak

Thuhmaṭhi

Forhthlah cabu hi Khrih suah hnuk kum 60–64 karlak hrawngah nganmi a i men thei, zangahtihle a cabu cu Paul thawnginn ih a suah hlan thu in a ne ter. Luka hi Forhthlah Paul thawn khual an tlawn khat, curuangah Forhthlah cabu hi Antiok khawpi ah a ngan a i thei. Forhthlah cabu cu Jesuh Khrih ih vancung kainak in a thok ih Luka Thuthang Ṭha cabu pehtu a i. Luka nih Forhthlah a ngan duhsatnak hi Luka Thuthang Ṭha a ngan duhsatnak thawn a ṭiahfa. Luka nih, an sinih zirhmi thu pawl hi Theofilas le Khristian pawl nih ṭhangai in cingkeng seu la, a duh. Curuangah Khristian pawl zangtih in an karhzai tihmi le Jesuh nunnak ih thil cangmi cekci cu felfai ngai in a ngan.

Forhthlah pawl ih Ṭuanṭuannak cabu nih, Kawhhran hmasa pawl zohṭhip tlak an sihnak leh Jesuh ah zupnak nei in zangtih mangin an nung, tihmi kan na sim. Forhthlah pawl zohṭhip tlak an sihnak nih, thuthang ṭha karhzainak ah Thlarau Thianghlim ih huham cahnak rinsat a ṭulzia, kan na hmuh.

Thutlangpi

1. Hmasabik ah, dungthluntu pawl cungah Thlarau Thianghlim a rong ṭum ih Kawhhran ṭhan a thok

2. Cun, Kawhhran cu hrem a tuar ih Jerusalem leng tiangah karhzai a thok

3. Cuhnuk ah, Paul veikhatnak khual a tlawn

4. Cun, zumtu thar pawl ih dilmi ṭhencat dingah Jerusalem ah khonsil an tuah

5. Cule, Paul veinihnak khual a tlawn

6. Cuhnuk ah, Paul veithumnak khual a tlawn

7. Cun, Jerusalem khua ah Paul an tlai

8. Netabik ah, Rom khua ah Paul an kuat