Asang Khongca Bible (2019)
Saam 128
Kasang laa.
Sithaw zii imthong
Angraeng to zit moe, anih ih loklam pazui kaminawk boih loe tahamhoih.
Na toksakhaih athaih to na caa tih; anghoehaih hoi khosakhoihaih doeh na tawn tih.
Na zu loe na imtaeng ih kathai parai misurkung baktiah om ueloe, na caanawk loe na caboi taengah kaom olive tadoknawk baktiah om o tih.
Khenah, Angraeng zii kami loe to tiah om tih.
Angraeng mah Zion hoiah tahamhoihaih na paek ueloe, na hing thungah Jerusalem tahamhoihaih to na hnu tih.
Ue, na caanawk ih caa patoeng doeh na hnu tih, Israel nuiah monghaih om nasoe.
Asang Khongca Bible (2019). Public domain. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · SourceEdition imported 2026-10-25.