Asang Khongca Bible (2019)
Saam 121
Kasang laa.
Angraeng khae hoi abomhaih
Naa bang hoiah maw kai bomkung angzo tih? tiah poek hoiah mae bangah ka dan tahang.
Kai bomkung loe long hoi van sahkung, Angraeng khae hoiah ni ang zoh.
Anih mah loe na khok to amthaeksak mak ai, nang toepkung loe iih angam mak ai.
Khenah, Israel toepkung loe iih angam mak ai, iip doeh iip mak ai.
Angraeng loe nang toepkung ah oh; Angraeng loe na bantang bangah nang han tahlip paekkung ah oh.
Athun ah ni mah na kangh mak ai, aqum ah doeh khrah mah raihaih na paek mak ai.
Angraeng mah kahoih ai hmuen congca thung hoiah na pakaa ueloe, na hinghaih to toep tih.
Angraeng mah na caehhaih hoi nang zohhaih to vaihi hoi dungzan khoek to toep tih.
Asang Khongca Bible (2019). Public domain. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · SourceEdition imported 2026-10-25.