Asang Khongca Bible (2019)

Saam 114

Loisakkung Sithaw

Israel loe Izip prae thung hoiah tacawt, Jakob ih imthung takoh loe kalah prae kaminawk khae hoiah angzoh naah,

Judah loe angmah ih hmuenciim ah oh, Israel loe a ukhaih prae ah oh. 2

Tuipui mah Sithaw to hnuk naah, cawnh ving; Jordan vapui loe amlaem let.

Maenawk loe tuu taenawk baktih, maesomnawk loe tuu caanawk baktiah angphet o.

Aw tuipui nang, tipongah na cawnh ving, Aw Jordan vapui nang, tipongah nam laem let loe?

Nangcae maenawk, tipongah tuu taenawk baktih, nangcae maesomnawk, tipongah tuu caanawk baktiah nang phet o loe?

Aw long nang, Angraeng hmaa hoi Jakob ih Sithaw hmaa ah, tasoeh ah, 3

Anih mah lungsong to tuili ah, kamtak thlung to tuibap tui ah angcoengsak boeh.

Source notes (3)

Cross-reference EXO 12.51.
Cross-reference EXO 14.21; Josh 3.16.
Cross-reference EXO 17.1-7; NAM 20.2-13.

Asang Khongca Bible (2019). Public domain. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · SourceEdition imported 2026-10-25.