Deuteronomy 27

Ebal mae ih hmaicam

1Israel kacoehtanawk hoi kaminawk khaeah Mosi mah thuih ih lok loe, Vaihniah kang paek ih kaaloknawk hae pakuem o boih ah. 21Na Angraeng Sithaw mah paek ih prae thungah na kun o moe, Jordan vapui nang kat o naah, kalen parai thlung to pakhueng oh loe, thlung bethaih kaw hoiah bet oh. 3Nam panawk ih Angraeng Sithaw mah nangcae khaeah sak ih lokkamhaih baktih toengah, nangcae han paek ih prae, tahnutui hoi khoitui longhaih prae thungah akun moe, vapui nang kat o naah, hae kaaloknawk hae thlung pongah tarik o boih ah. 4To pongah Jordan vapui nang kat o pacoengah, vaihniah kang thuih o ih lok baktih toengah, Ebal mae ah thlung to tling oh loe, thlung bethaih kaw hoiah bet oh. 52To ahmuen ah na Angraeng Sithaw hanah, hmaicam maeto thlung hoiah sah oh; to thlung nuiah kawbaktih sum doeh tling o hmah. 6Na Angraeng Sithaw ih hmaicam to thlung hoi khue ah sah oh, to thlung nuiah na Angraeng Sithaw khaeah angbawnhaih to sah oh. 7Angdaeh angbawnhaih to sah oh loe, na Angraeng Sithaw khaeah anghoehaih hoiah caa oh. 8Na raemh o ih thlung nuiah hae ih kaaloknawk boih hae kamnoek ah tarik oh, tiah a thuih pae.

Ebal mae ih kasae thuihaih

9To pacoengah Mosi hoi Levi acaeng qaimanawk mah Israel kaminawk boih khaeah, Aw Israel kaminawk, acoehaih hoiah tahngai oh; nangcae loe vaihniah na Angraeng Sithaw ih kami ah na oh o boeh. 10Na Angraeng Sithaw ih lok to tahngai oh loe, vaihniah kang paek o ih, anih ih kaalok hoi lokcaekhaihnawk to tahngai oh, tiah a naa. 11Mosi mah to na niah kaminawk khaeah thuih pae let ih lok loe, 123Jordan vapui nang kat o pacoengah, kaminawk tahamhoihaih paek hanah, Gerizim mae nuiah angdoe han koi kaminawk loe Simeon, Levi, Judah, Issakar, Joseph hoi Benjamin acaengnawk hae ni. 13To pacoengah Reuben, Gad, Asher, Zebulun, Dan hoi Naphtali acaengnawk loe tangoeng hanah Ebal mae ah angdoe o tih. 14Levi kaminawk mah Israel kaminawk boih khaeah, hae tiah thaa hoi lok to thui pae o tih: 154

Angraeng mah panuet ih hmuen, bantok sah kop kami mah sak ih krang hoi kanghmong ah thuk ih krangnawk to panoek ai ih ahmuen ah tamquta hoi kasuem kami loe, tangoeng ih kami ah oh, tiah thuih naah, kami boih mah, Amen, tiah thuih o han oh. 165

Amno hoi ampa khingya ai kami loe tangoeng ih kami ah oh,

tiah thuih naah, kami boih mah, Amen, tiah thuih o han oh. 176

A imtaeng kami ih ramri tahruet pae kami loe tangoeng ih kami ah oh,

tiah thuih naah, kami boih mah, Amen, tiah thuih o han oh. 187

Mikmaeng lam amkhraengsak kami loe tangoeng ih kami ah oh,

tiah thuih naah, kami boih mah, Amen, tiah thuih o han oh. 198

Angvinnawk, amno ampa tawn ai kaminawk hoi lamhmainawk nuiah,

katoeng ai ah lokcaek kami loe tangoeng ih kami ah oh,

tiah thuih naah, kami boih mah, Amen, tiah thuih o han oh. 209

Ampa ih iihkhun khingya ai moe,

ampa ih zu iip haih kami loe tangoeng ih kami ah oh,

tiah thuih naah, kami boih mah, Amen, tiah thuih o han oh. 2110

Kawbaktih pacah ih moi hoiah doeh zaehaih sah

kami loe tangoeng ih kami ah oh, tiah thuih naah,

kami boih mah, Amen, tiah thuih o han oh. 2211

A tanu, ampa ih canu, to tih ai boeh loe

amno ih canu iip haih kami loe tangoeng ih kami ah oh,

tiah thuih naah, kami boih mah, Amen, tiah thuih o han oh. 2312

Amsae nongpata iip haih kami loe tangoeng ih kami ah oh,

tiah thuih naah, kami boih mah, Amen, tiah thuih o han oh.

24A imtaeng kami tamquta hoi hum kami loe tangoeng ih kami ah oh,

tiah thuih naah, kami boih mah, Amen, tiah thuih o han oh.

25Zaehaih tawn ai kami hum han phoisa talawk kami moe,

tangoeng ih kami ah oh, tiah thuih naah, kami boih mah,

Amen, tiah thuih o han oh. 2613

Hae ih kaaloknawk pazui boih ai kami loe tangoeng ih kami ah oh,

tiah thuih naah, kami boih mah, Amen, tiah thuih o han oh.