Dai Cangcim Kthai

Kolawte 4

Mahpae aw, khankhawa nami Mahpa veki ti ksing u lü, nami mpyaea khana dawki pawh ua.

Mcuhmcäinak

Aläa ktaiyü ua, ktaiyünak üng käh bawngbai lü Pamhnam jekyai na ua. Ngthupki Khritawa thang sangnak hüa kcün kdaw a jah pet vaia Pamhnama veia jah ktaiyü petsih ua. Acuna phäh ni atuh hin thawng üng ka kyum ve. Angkhaia ngthu ka pyen thei vaia na ktaiyü pet ua. 2

Khritaw am jumeikie maa nami ve üng mcei lü ve ua. Kcün kdaw nami yahei naküt cen Khritawa phäh sumei u bä. Ngthu nami pyen üng hlimtui se ami ngaihsim vaia pyen ua. Khyang naküt akdawa nami msangnak be vai pi ksingei u bä.

Akpäihnaka hnuksetnak

3 4

Bawipaa khut üng sitih lü Bawipa khut ka bipüi, Taikikah naw ka thang naküt ning jah mtheh law khai. Mi vana khana i thawn lawki ti cun ning jah mtheh lü ning jah jekyaisak khaia ani ka tüih law ni. 5Nangmi üngka, sitih lü ka mhlänak Onesimas pi lawki. Anini naw hia thawnve nakütki cun ning jah mtheh khai xawi. 6

Ka hlawnga thawng üng kyumki Aristakhas, Banabaha na Makuh naw ning jah hnukset ve ni. Makuh nami dokham vaia ka ning jah mtheh pänga mäiha, a law üng a na dodang kawm uki. Jastasa pi ami sui Josuh naw pi yai ning jah kbi law hngaki. Ahina kthume hin jumeikia Judah khyangmjüe, Pamhnama khaw phäh aktäa na khüikhawmpüikie ni. 7

Jesuh Khritawa mpya, nangmi üngka Epapharah naw yai u se ti ve. Nangmi cun khritjan xüngsei ning üng xüxam lü, Pamhnama mlung hlüa ve lü nami ngkhängpang vaia alä se ning jah ktaiyü petki ni. Nangmi üng cutei lü Lodikih ja Helapolih mlüha awmki hea phäh kthanaki ti cun kei hin ania saksi ni. 8Mi mhlänaka Dawkta Luhka ja Demah naw pi ning jah hnukset ve ni.

Lodikih mlüha veki benae ja Niphah9 ja a ima ngpumkia jumeikie pi yai u lü ve u se jah mtheh u bä. Ahina kca hin nami kheh käna Lodikih mlüh sangcim üng pi jah khehsak u bä. Acuna mlüh naw a yaha kca pi nangmi naw khe hnga kawm uki. 10Akhipah üng “Bawipa naw a bisaka khut a kpäng vaia” mtheh u bä.

Pawluha Hnuksetnak hin kamäta kut am ka yuk ni. Thawng üng ka kyum hin käh mhnih u bä.

Pamhnama bäkhäknak nami khana be se.

Source notes (10)

Cross-reference Eph 6:9
Cross-reference Eph 5:16
Cross-reference Ngs 20:4; 2Tim 4:12
Cross-reference Eph 6:21,22
Cross-reference Phil 10-12
Cross-reference Ngs 19:29; 27:2; Phil 24; Ngs 12:12,25; 13:13; 15:37-39
Cross-reference Kol 1:7; Phil 23
Cross-reference 2Tim 4:11; Phil 24; 2Tim 4:10; Phil 24
Footnote Avang naw Niphah hin kpami ni ti lü yukie.
Cross-reference Phil 2

Dai Cangcim Kthai. Copyright © 2018 The Word for the World International. Licensed under CC BY 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY 4.0 · SourceEdition imported 2026-10-25.