Afilipi

Kalata ya poolo kwa

Afilipi

Mau ya uchogolelo

Poolo yapo wadali mundende wadalemba kalata kwa okhulupila adali ku filipi kuchaka cha sitini ni mojha pambuyo pakubadwa Yesu Muomboli 1:13. Ikulupilika nyengo imeneyo wadali ku Loma. Kalata ii idalembedwa kwa gulu la wandhu amkhulupila Kilisito adali kumujhi wa Filipi. Tikoza kujhi yaluza vindhu vochepa kuusu mujhi wa Filipi mu chikalakala cha Vichito va Atumwi. Filipi udali mujhi waukulu wa jimbo la Makedonia. Ili lidali gulu la wandhu amkhulupila Kilisito loyamba kuyambichidwa mu malo ya Mekidonia. Poolo ni Sila adayambicha gulu la wandhu amkhulupila Kilisito yapo adali pamojhi ni adamangidwa mdende pamojhi usiku onjhe yapo adali mu mujhio Vichito 16.

Ikhozeka Poolo wadali ni mateyake pa kulemba kalata ii. Wadatumila kalata ii ngati malo ya kwaayamika kwa mbhaso adamtumila yapo adavela wali mndende 4:10-19. Ndiponjho wadakhoza kwajhiwicha kuusu umo wadali mndende niwadatumila kalata imeneyo kwatambulila Timoseo ni Epafulod kwa gulu la wandhu amkhulupila Kilisito 2:19-30 ili wakalibishe ni kwaalemekeza achogoleli wao.

Yayo yalimo muchikalakala ichi

Poolo wayamba kulemba kalata yake kwa kulonjela gulu la wandhu amkhulupila Kilisito uwo wali mumujhi wa Filipi 1:1-2.

Pambuyo wapacha nghani za yayo yamzungulila ni vindhu vina ivo wadaona vimchaucha.

Ndiipo wapacha yayo afunika kuchita ili alame muumoyo wa muomboli kwa vichito 3:1-4,9.

Potela Poolo waliyamika gulu la wamndhu amkhulupila Kilisito wa Afilipi kwa mbhaso adamtumila ni wapeleka moni 4:10-23.