Akoli

Kalata yakawili ya poolo kwa Akolinso

Akolinso

Uchogolelo

Kalata yakawili ya Akolinso idalembedwa ni Poolo mtumwi pakati pa chaka cha 55 ni 56 pambuyo pa Kilisito nghope yo 1:1. Iyi ni kalata yakawili pakati pazijha tilinazo izozalembedwa ni Poolo kwa gulu la wandhu amkhulupilila Kilisito la Kolinso. Osoma akhulupilila kuti Poolo wakali osalembe kalata iyi wadaalembela Akolinso kalata ya mau yokalipa kupunda. Tilibe chikalakala chalichonjhe cha kalata imeneyo iyo Poolo mtumwi waikamba pa nghope ya 2:3-4. Kalata yakawili ya Akolinso ikhozekana idalembedwa pandhawi iyo Poolo wadali kumakedonia nghope ya 2:13.

Kalata yakawili ya Akolinso nikalata ya yokha chifuko ifotokoza vindhu vambili va Poolo mwenewake pamojhi ni umo wamajhivecha. Poolo wafotokoza kukondwela kwake kuchokana ni uthenga wa gulu la wandhu amkulupilila kilisito la Kolinso iwo wadalandila kuchoka kwa Tito. Mkati mwa kalata iyi, tipata mayaluzo ya mkati ya nghani zochocha kwa maganizo ya chipangano cha chipano, mkati mwa kalata iyi Poolo wachocha maagizo ya changizo la ndalama kuchitika dala kwathangatila yao amkhulupila Kilisito yao adali ku Yelusalemu nghope ya 8-9. Ioneka kuti atumwi akumojhi aunami yao adali kubwalo kwa gulu la wandhu amkhulupilila Kilisito adavyala kuipila mkati mwa wandhu amkhulupilila Kilisito kumuipila Poolo, kwa kufuna kuti ajhiwike anyiiwope. Adaesa kwachita wandhu akhaikile ulamuli wa chitumwi wa Poolo, chindhu ichi chidamchita watumile mau yopweteka mmathelo mwa kalata yakawili ya Kolinso kuchimikiza ulamuli wake mwene ngati mtumwi wa Yesu Kilisito.

Yayo yalimo mkalata iyi

Poolo wayamba kuilemba kalata yake kwa kulilonjela gulu la wandhu amkhulupilila Kilisito 1:1-7.

Ndiipo Poolo wakambilila manga'anamukilo ya maulendo yake, ni nghani zao izo wadazilandila, ni umo adailandilila kalata yake iyo idachogolela munghope yo 1:8-7,16.

Pambuyo pake, Poolo wachocha maagizo ya changizo la ndalama za kwaatangatila yao amkhulupilila Kilisito Akuyelusalemu nghope ya 8:1-9,15.

Mmathelo, Poolo wajhitetea ndande ya utumwi wake, ni waonya kwa nghani ya ulendo wake uwo umawandikila nghope 10:1-13,10.