1 Akolinso

Kalata Yoyamba ya Poolo kwa Akolinso

Akolinso

Uchogolelo

Mtumwi Poolo nde uyo wadalemba chikalakala ichi cha Akolinso oyamba panyengo iwandikila chaka cha hamsini ni tano pambuyo pakubadwa Yesu muomboli nghope ya 1:1. Iyi nikalata yoyamba pakati paziwili izo zalembedwa ni Poolo kwa gulu la wandhu amkhulupilila Yesu yawo adali kumujhi wa Kolinso. Ikhozeka wadalemba kalata iyi yapo wamakhala ku Efeso wakali kupita ulendo uwo wamafuna kupita ku Kolinso, yapo siwajhipita ni kubwela kuchokela ku Makedonia Nghope ya 16:5-9.

Kalata iyi ni yangho la Poolo kwa nghani izo wadazilandila kuchokela kwa okhulupilila akumojhi agulu lawandhu amkhulupilila Yesu, panghani ya vindhu vakumojhi sivimafunike vidachitika mu gulu lawandhu amkhulupilila Yesu, akakhala pamojhi ni kupatukana ni chigololo. Mujhi wa Kolinso udajhiwika kupunda ndande ya vichito vachigololo vidayenela, chimwecho siidabwicha kupenya gulu lawandhu amkhulupilila Yesu limachauchidwa ni vindhu vimenevo. Chikalakala cha 1 Akolinso chili ni nghope iyo ikambilila nghani ya chikondi nghope ya 13.

Yayo yalimo mchikalakala ichi

Poolo wayamba kwa kwaalonjela Akolinso ni kuyamika Mnungu ndande ya anyiiwo nghope ya 1:1-9.

Pambuyo pake wachatilila nghani izo wadavela nghani za kupatukana mugulu lawandhu amkhulupilila Yesu la Akolinso nghope ya 1:10, 4:21.

Ndiipo wachatilila nghani ya chigololo ni vichito ivo amachitilana vakupelekana ku nyumba ya milandu achinawene nghope ya 5-6.

Pambuyo pake waakambila nghani ya ukwati, kupeleka njhembe kwa viboliboli, kulambila pa malo pokomanilana, mbhaso za Mknungu izo zichoka kwa Mnungu ni vindhu vanghani ya kuhyuka nghope ya 7-15.

Potela wamaliza kwa kufotokoza vindhu vakumojhi vochita, ni vamundhu mwene nghope ya 16.