Biblica® सुतंतर समकालीन छत्तीसगढ़ी अनुवाद
भजन-संहिता 93
यहोवा ह राज करथे, ओह वैभव के कपड़ा पहिरे हवय;
यहोवा ह वैभव के कपड़ा पहिरे हवय अऊ ताकत ले भरे हवय;
वास्तव म, संसार ला इस्थिर अऊ सुरकछित बनाय गे हवय।
तोर सिंघासन ला अनादिकाल ले स्थापित करे गीस;
तेंह अनंतकाल ले हस।
हे यहोवा, समुंदर के पानी उठे हवय,
समुंदर के अवाज ह उठे हवय,
समुंदर के भयंकर लहरामन उठे हवंय।
पानी के बड़े लहरामन के गरजन ले घलो सक्तिसाली,
समुंदर के बड़े लहरामन ले घलो सक्तिसाली—
ऊंचहा जगह म बिराजमान यहोवा ह सक्तिसाली ए।
हे यहोवा, तोर बिधिमन इस्थिर बने रहिथें,
पबितरता ह तोर घर ला
जुग-जुग तक सजाय रहिथे।
Biblica® सुतंतर समकालीन छत्तीसगढ़ी अनुवाद. Copyright © 2012, 2016, 2021, 2024 Biblica, Inc. Licensed under CC BY-SA 4.0. दुवारा पंजीयन कराय एक ठन ब्यवसायिक चिनहां हरे जेकर उपयोग अनुमति लेके करे जाथे। “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.