Biblica® सुतंतर समकालीन छत्तीसगढ़ी अनुवाद
भजन-संहिता 15
दाऊद के एक भजन।
हे यहोवा, तोर पबितर तम्बू म कोन निवास कर सकथे?
तोर पबितर पहाड़ म कोन रह सकथे?
ओ, जेकर चालचलन ह निरदोस हे,
जऊन ह धरमी काम करथे,
जऊन ह अपन हिरदय ले सच बोलथे;
जेकर मुहूं ले निन्दा के बात नइं निकलय,
जऊन ह अपन परोसी के बिरूध कोनो गलत काम नइं करय,
अऊ आने मन के निन्दा नइं करय;
जऊन ह दुस्ट मनखे ला तुछ समझथे
पर ओमन के आदर करथे, जेमन यहोवा ले डरथें;
जऊन ह हानि उठाके घलो अपन सपथ ला पूरा करथे,
अऊ अपन मन ला नइं बदलय;
जऊन ह बिगर बियाज के गरीब ला अपन पईसा उधार देथे;
जऊन ह निरदोस मनखे ले घूस नइं लेवय।
जऊन ह ये काममन ला करथे,
ओह कभू नइं डोलय।
Biblica® सुतंतर समकालीन छत्तीसगढ़ी अनुवाद. Copyright © 2012, 2016, 2021, 2024 Biblica, Inc. Licensed under CC BY-SA 4.0. दुवारा पंजीयन कराय एक ठन ब्यवसायिक चिनहां हरे जेकर उपयोग अनुमति लेके करे जाथे। “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.