Biblica® सुतंतर समकालीन छत्तीसगढ़ी अनुवाद
भजन-संहिता 13
संगीत के निरदेसक बर दाऊद के एक भजन।
हे यहोवा, कब तक? का तेंह मोला हमेसा बर भुला जाबे?
कब तक तेंह अपन चेहरा ला मोर ले छुपाय रहिबे?
कब तक मेंह अपन बिचार म फंसे रहिहूं
अऊ हर दिन अपन मन म दुखी होवत रहिहूं?
कब तक मोर बईरी ह मोर ऊपर जय पावत रहिही?
हे यहोवा मोर परमेसर, मोर कोति देख अऊ जबाब दे,
मोर आंखी ला देखे के सक्ति दे, नइं तो मेंह मिरतू के नींद म सो जाहूं,
नइं तो मोर बईरी ह कहिही, “मेंह ओला जीत डारे हंव,”
अऊ मोर बईरीमन आनंद मनाहीं, जब में गिर जाहूं।
पर मेंह तोर अब्बड़ मया ऊपर भरोसा रखथंव;
मोर हिरदय ह तोर उद्धार म आनंद मनाथे।
मेंह यहोवा के गीत गाहूं,
काबरकि ओह मोर भलई करे हवय।
Biblica® सुतंतर समकालीन छत्तीसगढ़ी अनुवाद. Copyright © 2012, 2016, 2021, 2024 Biblica, Inc. Licensed under CC BY-SA 4.0. दुवारा पंजीयन कराय एक ठन ब्यवसायिक चिनहां हरे जेकर उपयोग अनुमति लेके करे जाथे। “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.