Biblica® सुतंतर समकालीन छत्तीसगढ़ी अनुवाद
भजन-संहिता 126
आरोहन के एक गीत।
जब यहोवा ह सियोन के भाग्य ला फेर पलटिस,1
त हमन सपना देखइयामन सहीं हो गे रहेंन।
तब खुसी के मारे हमन बहुंत हंसेंन,
हमर मुहूं ले आनंद के गीत निकलत रिहिस।
तब जाति-जाति के मनखेमन के बीच ये कहे गीस,
“यहोवा ह ओमन बर बड़े-बड़े काम करे हवय।”
यहोवा ह हमर बर बड़े-बड़े काम करे हवय,
अऊ येकर कारन हमन बहुंत आनंदित हन।
हे यहोवा, नेगेव म पानी के सोता सहीं,
हमर भाग्य ला फेर पलट दे।2
जऊन मन आंसू बहात बोथें,
ओमन आनंद के गीत गावत फसल ला लूहीं।
जऊन मन बीजा ला बोए बर
रोवत बाहिर निकलथें,
ओमन फसल के बीड़ा लेके
आनंद के गीत गावत लहुंटहीं।
Source notes (2)
- Footnote या बंधुवई ले वापिस लानिस
- Footnote या बंधुवई ले वापिस ले आ
Biblica® सुतंतर समकालीन छत्तीसगढ़ी अनुवाद. Copyright © 2012, 2016, 2021, 2024 Biblica, Inc. Licensed under CC BY-SA 4.0. दुवारा पंजीयन कराय एक ठन ब्यवसायिक चिनहां हरे जेकर उपयोग अनुमति लेके करे जाथे। “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.