1 इतिहास 4

यहूदा के आने कुल

1यहूदा के संतान:

पेरेस, हेसरोन, करमी, हूर अऊ सोबाल।

2सोबाल के बेटा रायाह ले यहत, अऊ यहत ले अहूमै अऊ लहद जनमिन। येमन सोराती बंस के अंय।

3येमन एताम के बेटा रिहिन:

यिजरेल, यिस्मा, अऊ यिद्बास। येमन के बहिनी के नांव हस्सलेलपोनी रिहिस। 4गदोर के ददा पनूएल, अऊ हूसा के ददा एजेर रिहिस।

येमन एपराता के बेटा हूर के संतान अंय जऊन ह बैतलहम के ददा रिहिस।

5तकोआ के ददा असहूर के हेला अऊ नारा नांव के दू झन घरवाली रिहिन।

6नारा ले अहुज्जाम, हेपेर, तेमनी अऊ हाहसतारी जनमिन। येमन नारा के बेटा रिहिन।

7हेला के बेटामन:

सेरेत, सोहर, एतनान। 8अऊ कोस ले आनूब अऊ हस्सोबेबा जनमिन अऊ ओकर बंस म हारूम के बेटा अहरहेल के कुल भी जनमिन।

9याबेस ह अपन भाईमन ले जादा नामी होईस। ओकर दाई ह ये कारन ले ओकर नांव याबेस राखिस, “मेंह येला दुख-पीरा ले जनमाय हंव।” 10याबेस ह इसरायल के परमेसर ला गोहार लगाईस, “बने होतिस कि तें मोला सही म आसीस देते अऊ मोर इलाका ला बढ़ाते अऊ तोर हांथ मोर संग रहितिस अऊ तें मोला हानि ले अइसन बचाते कि मेंह पीरा ले बांचे रहितंय।” अऊ परमेसर ह ओकर बिनती ला सुनिस।

11फेर सूहा के भाई कलूब ले एसतोन के ददा महीर जनमिस। 12एसतोन ह बेत-रापा, पासेह अऊ तहिन्ना के ददा रिहिस अऊ तहिन्ना ह ईर-नाहास के ददा रिहिस। येमन रेका नगर के मनखेमन रिहिन।

13कनज के बेटामन:

ओतनीएल अऊ सरायाह।

ओतनीएल के बेटामन:

हतत अऊ मोनोतै। 14मोनोतै ह ओपरा के ददा रिहिस।

सरायाह ले योआब जनमिस,

जऊन ह गे-हरासीम1 के ददा रिहिस; येमन कारीगर रिहिन।

15यपुन्ने के बेटा कालेब के बेटामन:

इरू, एला अऊ नाम।

एला के बेटा:

कनज।

16यहल्लेलेल के बेटामन:

जीप, जीपा, तीरया अऊ असरेल।

17एजरा के बेटामन:

येतेर, मेरेद, एपेर अऊ यालोन।

ओकर घरवाली ले मिरियम, सम्मै अऊ एसतमोआ के ददा यिसबह जनमिन। 18येमन फिरौन के बेटी बित्या के संतान रिहिन, जेला मेरेद ह बिहाव करे रिहिस।

ओकर यहूदीन घरवाली ले गदोर के ददा येरेद, सोको के ददा हेबेर अऊ जानोह के ददा यकुतिएल जनमिन।

19होदियाह के घरवाली जऊन ह नहम के बहिनी रिहिस, ओकर बेटामन:

गेरेमी कीला के ददा, अऊ माकाती एसतमोआ

20सीमोन के बेटामन:

अमनोन, रिन्ना, बेन-हानान अऊ तोलोन।

यिसी के संतान:

जोहेत अऊ बेन-जोहेत।

21यहूदा के बेटा सेलह के संतान:

लेका के ददा एर, मारेसा के ददा लादा, अऊ बेत-असबे ले ओकर परिवार के बंसज जेमन मलमल के कपड़ा बनाय के बुता करंय।

22योकीम अऊ कोजबा के मनखे अऊ योआस अऊ साराप जऊन मन मोआब म सासन करंय, अऊ यासुबी-लेहेम। (ये लेखा-जोखा पुराना जमाना के अय।) 23येमन कुम्हार रिहिन अऊ येमन नताईम अऊ गदेरा नगर म रहत रिहिन; येमन उहां रूकंय अऊ राजा बर काम करंय।

सिमोन

24सिमोन के संतान:

नमूएल, यामीन, यारीब, जेरह अऊ साऊल;

25साऊल के बेटा सल्लूम, सल्लूम के बेटा मिबसाम अऊ मिबसाम ले मिस्मा होईस।

26मिस्मा के संतान:

हम्मूएल ओकर बेटा, जक्कूर ओकर बेटा, अऊ सिमी ओकर बेटा।

27सिमी के सोलह झन बेटा अऊ छै बेटी रिहिन, लेकिन ओकर भाईमन के बहुंत लइका नइं रिहिन; एकरसेति ओकर कुल ह यहूदा के कुल असन नइं बाढ़िस। 28ओमन बेरसेबा, मोलादा, हसर-सूआल, 29बिलहा, एसेम, तोलाद, 30बतूएल, होरमा, सिकलग, 31बेत-मरकाबोत, हसर-सूसीम, बेत-बिरी अऊ सारैम म बस गीन। दाऊद के राज के समय तक येमन ओमन के नगर रिहिन। 32ओमन के गांव एताम, ऐन, रिम्मोन, तोकेन अऊ आसान नांव के पांच ठन नगर 33अऊ बालात2 तक ये नगरमन के आसपास के जम्मो गांव। ओमन के बसे के जगह येमन रिहिन।

अऊ ओमन बंसावली के लेखा-जोखा रखिन।

34मेसोबाब, यमलेक,

अमसयाह के बेटा योसा, 35योएल,

योसिब्याह के बेटा येहू, जऊन ह सरायाह के पोता अऊ असीएल के परपोता रिहिस,

36अऊ एलयोएनै, अऊ याकोबा, यसोहायाह,

अऊ असायाह, अऊ अदीएल, अऊ यसीमीएल, अऊ बनायाह,

37अऊ सिपी के बेटा जीजा, जऊन ह अल्लोन के बेटा, ओह यदायाह के बेटा, ओह सिमरी के बेटा, ओह समायाह के बेटा रिहिस।

38जऊन आदमीमन के नांव ऊपर लिखे गे हवय, ओमन अपन-अपन कुल के मुखिया रिहिन।

अऊ ओमन के परिवारमन बहुंत बाढ़िस, 39अऊ येमन अपन भेड़-बकरीमन बर चरागन खोजे बर गदोर सहर के सीमना म घाटी के पूरब कोति तक गीन। 40अऊ ओमन बने-बने चरागन पाईन अऊ ओ देस ह लम्बा-चौड़ा, सांतिमय अऊ सांत रिहिस। पहिले उहां हाम के बंस के कुछू मनखेमन रहत रिहिन।

41जऊन आदमीमन के नांव ह सूची म लिखे गे रिहिस, ओमन यहूदा के राजा हिजकियाह के समय म आईन। ओमन हामीमन के निवास ऊपर अऊ उहां रहइया मूनीमन ऊपर घलो हमला कर दीन अऊ ओमन ला पूरा नास कर दीन, जेकर सबूत आज तक देखे जा सकत हे। तब ओमन ओमन के जगह म बस गीन काबरकि उहां ओमन के पसुमन बर चरागन रिहिस। 42अऊ ये सिमोनीमन के पांच सौ मनखे पलतयाह, नारयाह, रपायाह अऊ उजीएल नांव के यिसी के बेटामन के अगुवई म सेईर के पहाड़ी देस ऊपर हमला कर दीन। 43ओमन ओ अमालेकीमन ला मार डारिन, जेमन बांचके भाग गे रिहिन, अऊ ओमन आज तक उहां रहत हवंय।