Biblica® सुतंतर समकालीन छत्तीसगढ़ी अनुवाद
1 इतिहास 27
सेना के दल
येह इसरायलीमन के सूची अय—परिवारमन के मुखियामन, हजार-हजार मनखे ऊपर सेनापति, सौ-सौ मनखे ऊपर सेनापति, अऊ ओमन के अधिकारी, जऊन मन साल भर एक-एक महिना करके सैनिक दलमन ले संबंधित जम्मो काम म राजा के सेवा करंय। हर दल म 24,000 सैनिक रिहिन।
पहिला महिना बर, पहिला दल के अधिकारी जबदीएल के बेटा यासोबाम रिहिस। ओकर दल म 24,000 सैनिक रिहिन ओह पेरेस के एक संतान रिहिस अऊ पहिला महिना बर जम्मो सैनिक अधिकारीमन के मुखिया रिहिस।
दूसरा महिना बर दल के अधिकारी दोदै नांव के अहोही रिहिस; मिकलोत ह ओकर दल के अगुवा रिहिस। ओकर दल म 24,000 सैनिक रिहिन।
तीसरा महिना बर, तीसरा सेनापति यहोयादा पुरोहित के बेटा बनायाह रिहिस। ओह मुखिया रिहिस अऊ ओकर दल म 24,000 सैनिक रिहिन। येह ओ बनायाह रिहिस, जऊन ह तीस बीरमन के बीच म एक बीर योद्धा रिहिस अऊ ओ तीस बीरमन के ऊपर रिहिस। ओकर बेटा अमीजाबाद ह ओकर दल के अगुवा रिहिस।
चौथा महिना बर, चौथा सेनापति योआब के भाई असाहेल रिहिस; ओकर बाद ओकर बेटा जबदयाह ह ओकर उत्तराधिकारी रिहिस। ओकर दल म 24,000 सैनिक रिहिन।
पांचवां महिना बर, पांचवां सेनापति समहूत नांव के ईसराही रिहिस। ओकर दल म 24,000 सैनिक रिहिन।
छठवां महिना बर, छठवां सेनापति तकोआ ले इक्केस के बेटा ईरा रिहिस। ओकर दल म 24,000 सैनिक रिहिन।
सातवां महिना बर, सातवां सेनापति हेलेस नांव के पलोनी रिहिस, जऊन ह एपरैम के बंस के रिहिस। ओकर दल म 24,000 सैनिक रिहिन।
आठवां महिना बर, आठवां सेनापति सिब्बकै नांव के हूसाती रिहिस, जऊन ह जेरही बंस के रिहिस। ओकर दल म 24,000 सैनिक रिहिन।
नौवां महिना बर, नौवां सेनापति अबिएजेर नांव के अनातोती रिहिस, जऊन ह बिनयामीन के बंस के रिहिस। ओकर दल म 24,000 सैनिक रिहिन।
दसवां महिना बर, दसवां सेनापति महरै नांव के नतोपाती रिहिस, जऊन ह जेरही बंस के रिहिस। ओकर दल म 24,000 सैनिक रिहिन।
गियारहवां महिना बर, गियारहवां सेनापति बनायाह नांव के पिरातोनी रिहिस, जऊन ह एपरैम के बंस के रिहिस। ओकर दल म 24,000 सैनिक रिहिन।
बारहवां महिना बर, बारहवां सेनापति हेल्दै नांव के नतोपाती रिहिस, जऊन ह ओतनीएल के परिवार के रिहिस। ओकर दल म 24,000 सैनिक रिहिन।
गोत्रमन के अगुवामन
इसरायल के गोत्रमन के अगुवामन:
रूबेनीमन ले: जिकरी के बेटा एलिएजेर;
सिमोनीमन ले: माका के बेटा सपतयाह;
लेवी ले: कमूएल के बेटा हसबियाह;
हारून ले: सादोक;
यहूदा ले: एलीहू नांव के दाऊद के एक भाई;
इस्साकार ले: मिकाएल के बेटा ओमरी;
जबूलून ले: ओबदयाह के बेटा यिसमायाह;
नपताली ले: अजरीएल के बेटा यरीमोत;
एपरैम ले: अजजियाह के बेटा होसे;
मनस्से के आधा गोत्र ले: पदायाह के बेटा योएल;
गिलाद म मनस्से के आधा गोत्र ले: जकरयाह के बेटा इद्दो;
बिनयामीन ले: अबनेर के बेटा यासीएल;
दान ले: यरोहाम के बेटा अजरेल।
येमन इसरायल के गोत्र के अगुवामन रिहिन।
दाऊद ह ओ मनखेमन ला गनती म नइं लीस, जेमन बीस साल या बीस साल ले छोटे रिहिन, काबरकि यहोवा ह वायदा करे रिहिस कि ओह इसरायल ला अकास के तारामन सहीं अनगिनत कर दीही। सरूयाह के बेटा योआब ह मनखेमन ला गने के सुरू करिस पर येला पूरा नइं करिस। ये गनती करे के कारन परमेसर के कोरोध इसरायल ऊपर भड़किस, अऊ दाऊद राजा के इतिहास के किताब म ये गनती ला नइं लिखे गीस।
राजा के अधिकारीमन
अदीएल के बेटा अजमावेत ह साही भंडारघरमन के अधिकारी रिहिस।
उजियाह के बेटा योनातन ह दूरिहा-दूरिहा जिला, नगर, गांव अऊ पहरेदारी के मीनारमन के अधिकारी रिहिस।
कलूब के बेटा एजरी ह भुइयां म खेती करइया मनखेमन के अधिकारी रिहिस।
रामाह के सिमी ह अंगूर के बारीमन के अधिकारी रिहिस।
सेपाम के जबदी ह अंगूर के बारी के ऊपज रखे के अंगूर के कुंडमन के अधिकारी रिहिस।
गेदेर के बाल-हानान ह पछिम के पहाड़ी इलाका म जैतून अऊ डूमर रूखमन के अधिकारी रिहिस।
योआस ह जैतून तेल के पूरती करे के अधिकारी रिहिस।
सारोन के सितरै ह सारोन के इलाका म घांस चरइया पसु के झुंडमन के अधिकारी रिहिस।
अदलै के बेटा सापात ह घाटीमन म पसु के झुंडमन के अधिकारी रिहिस।
इसमायली ओबील ह ऊंटमन के अधिकारी रिहिस।
मेरोनोत के येहदियाह ह गदहामन के अधिकारी रिहिस।
हगरी के याजीज ह भेड़-बकरी के झुंडमन के अधिकारी रिहिस।
ये जम्मो झन दाऊद राजा के संपत्ति के देखरेख बर ठहिराय गय अधिकारी रिहिन।
दाऊद के कका योनातन ह एक सलाहकार रिहिस, जऊन ह एक समझदार मनखे अऊ लेखक रिहिस।
हकमोनी के बेटा यहीएल ह राजा के बेटामन के देखरेख करय।
अहीतोपेल ह राजा के सलाहकार रिहिस।
अरकी हूसै ह राजा के बिसवासयोग्य मनखे रिहिस।
(अहीतोपेल के मरे के बाद यहोयादा अऊ अबियातार सलाहकार बनाय गीन; यहोयादा ह बनायाह के बेटा रिहिस।)
योआब ह साही सेना के सेनापति रिहिस।
Biblica® सुतंतर समकालीन छत्तीसगढ़ी अनुवाद. Copyright © 2012, 2016, 2021, 2024 Biblica, Inc. Licensed under CC BY-SA 4.0. दुवारा पंजीयन कराय एक ठन ब्यवसायिक चिनहां हरे जेकर उपयोग अनुमति लेके करे जाथे। “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.