Biblica® सुतंतर समकालीन छत्तीसगढ़ी अनुवाद
1 इतिहास 24
पुरोहितमन के दल
हारून के संतानमन के दल येमन रिहिन:
हारून के बेटामन नादाब, अबीहू, एलिआजर अऊ ईतामार रिहिन। पर नादाब अऊ अबीहू अपन ददा के मरे के पहिली मर गीन, अऊ ओमन के कोनो बेटा नइं रिहिन; एकरसेति एलिआजर अऊ ईतामार पुरोहित के रूप म सेवा करिन। एलिआजर के एक संतान सादोक अऊ ईतामार के एक संतान अहीमेलेक के मदद ले, दाऊद ह ओमन ला ओमन के सेवा के पद के मुताबिक दल-दल करके बांट दीस। एलिआजर के संतान म ईतामार के संतान ले जादा अगुवामन पाय गीन, अऊ ओमन ला ये किसम ले बांटे गीस: एलिआजर के संतान ले परिवारमन के सोलह जन मुखिया अऊ ईतामार के संतान ले परिवारमन के आठ जन मुखिया रिहिन। चिट्ठी निकाले के दुवारा बिगर भेदभाव के ओमन ला दल म बांट दिये गीस, काबरकि एलिआजर अऊ ईतामार दूनों के संतानमन ले पबितर-स्थान के अधिकारी अऊ परमेसर के अधिकारी ठहिराय गे रिहिन।
नतनेल के बेटा लेखक समायाह ह एक लेवी रिहिस, अऊ ओह ओमन के नांव राजा अऊ ये अधिकारीमन के आघू म लिख लीस: सादोक पुरोहित, अबियातार के बेटा अहीमेलेक, अऊ पुरोहित अऊ लेवीमन के परिवारमन के मुखियामन—एक परिवार एलिआजर के बंस ले अऊ एक परिवार ईतामार के बंस ले लिये गीस।
पहिला चिट्ठी यहोयारीब के नांव,
दूसरा यदायाह,
तीसरा हारीम,
चौथा सोरीम,
पांचवां मलकियाह,
छठवां मियामीन,
सातवां हक्कोस,
आठवां अबियाह,
नौवां येहोसू,
दसवां सेकनयाह,
गियारहवां एलियासीब,
बारहवां याकीम,
तेरहवां हुपा,
चौदहवां येसेबाब,
पंदरहवां बिलगा,
सोलहवां इम्मेर,
सतरहवां हेजीर,
अठारहवां हपिसेस,
उन्नीसवां पतहियाह,
बीसवां यहेजकेल,
इक्कीसवां याकीन,
बाईसवां गामूल,
तेईसवां दलायाह,
चौबीसवां माजियाह के नांव निकलिस।
जब ओमन यहोवा के मंदिर म जावंय त येह ओमन के सेवा के ठहिराय गे पारी रिहिस अऊ येह ओमन के पुरखा हारून के दुवारा ओमन ला दिये ओ नियम के मुताबिक रिहिस, जेकर हुकूम यहोवा, इसरायल के परमेसर ह हारून ला देय रिहिस।
बाकि बचे लेवीमन
लेवी के बाकि बचे संतानमन:
अमराम के बेटामन ले सूबाएल;
सूबाएल के बेटामन ले येहदियाह।
रहबियाह के बेटामन ले, यिसियाह ह पहिलऊठा रिहिस।
ईसहारीमन ले: सलोमोत;
सलोमोत के बेटामन ले: यहत।
हेबरोन के बेटामन:
यरियाह ह पहिलऊठा, अमरयाह ह दूसरा, यहजीएल ह तीसरा अऊ यकमाम ह चौथा रिहिस।
उजीएल के बेटा: मीका;
मीका के बेटामन ले: सामीर।
मीका के भाई: यिसियाह;
यिसियाह के बेटामन ले: जकरयाह।
मरारी के बेटामन: महली अऊ मूसी।
याजियाह के बेटा: बेनो।
मरारी के बेटामन:
याजियाह ले: बेनो, सोहम, जक्कूर अऊ इबरी।
महली ले: एलिआजर, जेकर कोनो बेटा नइं रिहिन।
कीस ले: कीस के बेटा: यरहमेल।
अऊ मूसी के बेटामन: महली, एदेर अऊ यरीमोत।
अपन-अपन परिवार के मुताबिक येमन लेवी रिहिन।
ओमन घलो अपन रिस्तेदार हारून के संतानमन सहीं दाऊद राजा अऊ सादोक, अहीमेलेक, अऊ पुरोहित अऊ लेवीमन के परिवारमन के मुखियामन के आघू म चिट्ठी निकालिन। सबले बड़े भाई के परिवारमन के संग अऊ सबले छोटे भाई के परिवारमन के संग एक समान बरताव करे गीस।
Biblica® सुतंतर समकालीन छत्तीसगढ़ी अनुवाद. Copyright © 2012, 2016, 2021, 2024 Biblica, Inc. Licensed under CC BY-SA 4.0. दुवारा पंजीयन कराय एक ठन ब्यवसायिक चिनहां हरे जेकर उपयोग अनुमति लेके करे जाथे। “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.