Biblica® Open Chhattisgarhi Contemporary Version
भजन-संहिता 23:1
Verse 1 is marked below, with the whole chapter around it. Read from the start
दाऊद के एक भजन।
यहोवा ह मोर चरवाहा अय, मोला कुछू घटी नइं होवय।
ओह मोला हरियर-हरियर चरागन म अराम कराथे,
ओह मोला सांत पानी के तीर म ले जाथे,
ओह मोर जीव ला तरो-ताजा कर देथे।
अपन नांव के खातिर
ओह मोला धरमीपन के रसता म ले चलथे।
चाहे मेंह घिटके अंधियार के
घाटी1 म ले होके जावंव,
तभो ले कोनो अहित होय ले नइं डरंव,
काबरकि तेंह मोर संग रहिथस;
तोर सुंटी अऊ तोर लउठी ले
मोला अराम मिलथे।
तेंह मोर बईरीमन के आघू म
मोर बर जेवन के मेज सजाथस।
तेंह मोर मुड़ ला तेल ले अभिसेक करथस;
मोर कटोरा ह छलकत हे।
खचित तोर भलई अऊ मया
मोर जिनगी भर मोर संग रहिही,
अऊ मेंह सदा-सर्वदा यहोवा के घर म
निवास करहूं।
Source notes (1)
- Footnote या मिरतू के छइहां के घाटी
Biblica® Open Chhattisgarhi Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.