Biblica® Open Chhattisgarhi Contemporary Version
भजन-संहिता 130
आरोहन के एक गीत।
हे यहोवा, मेंह निरासा के गहरई म ले तोला पुकारत हंव;
हे परभू, मोर अवाज ला सुन।
तोर कानमन दया के मोर गोहार ला
धियान देके सुनंय।
हे यहोवा, यदि तेंह पाप के लेखा-जोखा रखते,
त हे परभू, कोन ह ठहर सकतिस?
पर तेंह छेमा करइया अस,
ताकि हमन आदर सहित तोर सेवा करन।
मेंह यहोवा के बाट जोहथंव, मोर जम्मो चीज ओकर बाट जोहत रहिथे,
अऊ ओकर बचन ऊपर मेंह अपन आसा रखथंव।
पहरेदारमन बिहनियां होय के जतेक बाट जोहथें,
हां, पहरेदारमन बिहनियां होय के जतेक बाट जोहथें,
ओकर ले जादा मेंह परभू के बाट जोहथंव।
हे इसरायल, यहोवा ऊपर अपन आसा रख,
काबरकि यहोवा म बहुंत मया हवय
अऊ ओहीच ह पूरा छुटकारा देथे।
ओह खुद इसरायलीमन ला
ओमन के जम्मो पाप ले छुटकारा दीही।
Biblica® Open Chhattisgarhi Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.