Biblica® Open Chhattisgarhi Contemporary Version
भजन-संहिता 128
आरोहन के एक गीत।
धइन अंय ओ जम्मो, जऊन मन यहोवा के भय मानथें,
जऊन मन ओकर हुकूम ला मानत चलथें।
तेंह अपन मेहनत के फल खाबे;
तोला आसीस मिलही अऊ तोर उन्नति होही।
तोर घरवाली ह तोर घर के भीतर
फल देवइया अंगूर के एक नार सहीं होही;
तोर लइकामन तोर मेज के चारों कोति
जैतून रूख के निकले अंकुर सहीं होहीं।
हव, येह ओ मनखे बर आसीस होही,
जऊन ह यहोवा के भय मानथे।
यहोवा ह सियोन ले तोला आसीस देवय;
तेंह अपन जिनगी भर
यरूसलेम के उन्नति देखत रह।
अपन लइकामन के लइकामन ला देखे बर जीयत रह—
इसरायल ला सांति मिलय।
Biblica® Open Chhattisgarhi Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.