Biblica® Open Chhattisgarhi Contemporary Version
नहेमियाह 7
जब दीवार ला फेर बनाय के काम ह पूरा हो गीस अऊ मेंह कपाटमन ला ओमन के जगह म लगा देंव, तब दुवारपाल, संगीतकार अऊ लेवीमन ठहिराय गीन। मेंह अपन भाई हनानी अऊ गढ़ के सेनापति हननयाह ला यरूसलेम के अधिकारी ठहिरांय, काबरकि ओह एक ईमानदार मनखे रिहिस अऊ आने बहुंते झन ले ओह जादा परमेसर के भय मानय। मेंह ओमन ले कहेंव, “जब तक घाम तेज नइं होवय, तब तक यरूसलेम के दुवारमन ला झन खोले जावय। जब दुवारपालमन पहरा देवत रहंय, तभो ले कपाटमन ला बंद रखे जावय अऊ ओमन म चिटकनी लगे रहंय। यरूसलेम के रहइयामन ला घलो पहरेदार ठहिरावव, कुछू झन ला ओमन बर ठहिराय जगह म अऊ कुछू झन ला ओमन के खुद के घर के आघू म ठहिरा दव।”
बंधुवई ले लहुंटे मनखेमन के सूची
यरूसलेम सहर ह बड़े अऊ ओमा बहुंत जगह रिहिस, पर ओमा थोरकन मनखेमन रहत रिहिन, अऊ घरमन ला अभी तक ले फेर नइं बनाय गे रिहिस। तब मोर परमेसर ह मोर मन म ये बिचार डालिस कि परभावसाली मनखे, अधिकारी अऊ सधारन मनखेमन ला इकट्ठा करके परिवार के मुताबिक ओमन के नांव लिखे जावय। मोला ओमन के बंसावली के लेखा-जोखा मिलिस, जेमन सबले पहिले लहुंटके आय रिहिन। ओमा ये लिखाय रिहिस:
येमन प्रदेस के ओ मनखे अंय, जेमन बंधुवई ले छूटके आईन; जेमन ला बेबिलोन के राजा, नबूकदनेसर ह बंदी बनाके ले गेय रिहिस (ओमन यरूसलेम अऊ यहूदा के अपन-अपन नगर म जरूब्बाबेल, यहोसू, नहेमियाह, अजरयाह, रामियाह, नहमानी, मोरदकै, बिलसान, मिसपेरेत, बिगवै, नहूम अऊ बाना के संग लहुंटिन):
इसरायली मनखेमन के आदमीमन के सूची ये अय:
संतानमन—
परोस के संतान 2,172;
सपतयाह के संतान 372;
आरह के संतान 652;
पहत-मोआब (येहोसू अऊ योआब के बंस म ले) 2,818;
एलाम के संतान 1,254;
जत्तू के संतान 845;
जक्कई के संतान 760;
बिन्नूई के संतान 648;
बेबै के संतान 628;
अजगाद के संतान 2,322;
अदोनीकाम के संतान 667;
बिगवै के संतान 2,067;
आदीन के संतान 655;
आतेर के संतान (हिजकियाह के बंस म ले) 98;
हासूम के संतान 328;
बेसै के संतान 324;
हारीफ के संतान 112;
गिबोन के संतान 95।
आदमीमन—
बैतलहम अऊ नतोपा के आदमीमन 188;
अनातोत के आदमीमन 128;
बेत-अजमावेत के आदमीमन 42;
किरयत-यारीम, कपीरा अऊ बेरोत के आदमीमन 743;
रामा अऊ गेबा के आदमीमन 621;
मिकमास के आदमीमन 122;
बेतेल अऊ अई के आदमीमन 123;
दूसर नबो के आदमीमन 52;
दूसर एलाम के आदमीमन 1,254;
हारीम के आदमीमन 320;
यरीहो के आदमीमन 345;
लोद हादीद अऊ ओनो के आदमीमन 721;
सना के आदमीमन 3,930।
पुरोहितमन:
संतानमन—
यदायाह के संतान (येहोसू के परिवार के जरिये) 973;
इम्मेर के संतान 1,052;
पसहूर के संतान 1,247;
हारीम के संतान 1,017।
लेवीमन:
संतानमन—
येहोसू के संतान (होदवियाह के बंस म ले कदमीएल के जरिये) 74।
संगीतकारमन:
संतानमन—
आसाप के संतान 148।
मंदिर के दुवारपालमन:
संतानमन—
सल्लूम, आतेर, तलमोन, अक्कूब, हतीता, अऊ सोबै के संतान 138।
मंदिर के सेवकमन:
खाल्हे लिखे मनखेमन के संतानमन—
सीहा, हसूपा, तब्बाओत,
केरोस, सीआ, पादोन,
लबाना, हगाबा, सल्मै,
हानान, गिद्दल, गहर,
रायाह, रसीन, नकोदा,
गज्जाम, उज्जा, पासेह,
बेसै, मूनीम, नेफूसीम,
बकबूक, हकूपा, हरहूर,
बसलूत, महीदा, हरसा,
बरकोस, सीसरा, तेमह,
नसीह अऊ हतीपा।
सुलेमान के सेवकमन के संतान:
खाल्हे लिखे मनखेमन के संतानमन—
सोतै, सोपेरेत, परीदा,
याला, दरकोन, गिद्देल,
सपतयाह, हत्तील,
पोकेरेत-हसेबायीम, अऊ आमोन।
मंदिर के सेवक अऊ सुलेमान के सेवकमन के संतान 392,
ये मनखेमन तेल-मेलह, तेल-हरसा, करूब, अदोन, अऊ इम्मेर ले आईन, पर येमन बता नइं सकिन कि येमन के परिवार के मनखेमन इसरायलीमन के संतान रिहिन:
संतानमन—
दलायाह, तोबियाह, अऊ नकोदा के संतान 642।
अऊ पुरोहितमन के बीच म ले:
संतानमन—
होबायाह, हक्कोस अऊ बरजिलै (एक आदमी, जऊन ह गिलादी बरजिलै के एक बेटी ले बिहाव करे रिहिस अऊ ओकर नांव रख ले रिहिस)।
येमन अपन परिवार के लेखा-जोखा ला खोजिन, पर ओमन ला नइं मिलिस, एकरसेति येमन ला असुध ठहिराके पुरोहित के पद ले अलग रखे गीस; एकर कारन राजपाल ह ओमन ला हुकूम दीस कि जब तक ऊरीम अऊ तुम्मीम धारन करइया कोनो पुरोहित सेवा नइं करत रहय, तब तक ओमन कोनो परम पबितर जेवन म ले कुछू चीज झन खावंय।
पूरा सभा के संखिया 42,360 रिहिस, येमन के अलावा येमन के 7,337 पुरूस अऊ महिला गुलाम रिहिन, अऊ येमन के 245 पुरूस अऊ महिला गवइयामन घलो रिहिन। ओमन के 736 घोड़ा, 245 खच्चर,1 435 ऊंट अऊ 6,720 गदहा रिहिन।
परिवारमन के कुछू मुखियामन काम बर दान दीन। राजपाल ह तिजोरी म 1,000 सोन के दरकमोन,2 50 ठन कटोरा, अऊ पुरोहितमन बर 530 अंगरखा दीस। परिवारमन के कुछू मुखियामन ओ काम बर तिजोरी म 20,000 सोन के दरकमोन3 अऊ 2,200 चांदी के मीना4 दीन। बाकि मनखेमन 20,000 दरकमोन5 सोन, 2,000 मीना6 चांदी अऊ पुरोहितमन बर 67 अंगरखा दीन।
तब पुरोहितमन, लेवीमन, दुवारपालमन, संगीतकारमन अऊ मंदिर के सेवकमन कुछू मनखेमन के संग अऊ बाकि इसरायलीमन अपन-अपन नगर म बस गीन।
एजरा ह कानून ला पढ़के सुनाथे
जब सातवां महिना आईस अऊ इसरायलीमन अपन-अपन नगर म बस गे रिहिन,
Source notes (6)
- Footnote जादातर इबरानी हस्तलिपिमन म ये पद नइं ए
- Footnote लगभग 8.4 किलोग्राम
- Footnote लगभग 170 किलोग्राम
- Footnote लगभग 1.3 टन
- Footnote dup लगभग 170 किलोग्राम
- Footnote लगभग सवा टन
Biblica® Open Chhattisgarhi Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.