Y CUATRO EBANGELIO SIJA YAN Y CHECHO Y APOSTOLES YAN Y SALMO SIJA
Y Salmo Sija 130
Y Cantan Quinajulo. Y sumanjiyong y tinadong nae juagang jao, O Jeova.
Jeova, ecungog y inagangjo: polo ya talangamo sija uegueng gui inagang y guinagaojo.
Yanguin mojon unmatca y tinaelaye sija; Jeova, jaye utojgüe?
Lao guaja inasie guiya jago, para unmamaañagüe.
Junanangga si Jeova, y antijo mannanangga, ya y sinanganña junanangga.
Y antijo jananangga si Jeova, mas qui y guatdia sija ni manmannanangga y egaan: magajet na mas qui y guatdia sija manmannananangga y egaan.
O Israel nangga si Jeova; sa gui as Jeova guaja minaase, ya iya guiya nae megae na inalibre.
Ya güiya unalibre Israel todo gui tinaelayeña.
Y CUATRO EBANGELIO SIJA YAN Y CHECHO Y APOSTOLES YAN Y SALMO SIJA. Public domain. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · SourceEdition imported 2026-10-25.