Mga Salmo 114

1Sa dihang mibiya ang Israel sa Ehipto, ang balay ni Jacob gikan niadtong langyaw nga katawhan, 2nahimo niyang balaang dapit ang Juda, ang Israel iyang gingharian. 3Ang dagat nakakita ug mikalagiw; mitalikod ang Jordan. 4Ang kabukiran milukso sama sa mga laking karnero, ang kabungtoran milukso sama sa nating karnero. 5Dagat, nganong mikalagiw ka man? Jordan, nganong mitalikod ka man? 6Kabukiran, nganong milukso man kamo sama sa laking mga karnero? Kamong gagmay nga mga bungtod, nganong milukso man kamo sama sa mga nating karnero? 7Pangurog, kalibotan, sa atubangan sa Ginoo, sa presensya sa Dios ni Jacob. 8Gihimo niyang linaw ang dakong bato, ang gahi nga bato ngadto sa tuboran sa tubig.