Biblica® Open Ang Pulong sa Dios
Mga Salmo 23
Awit ni David.
Ikaw, Ginoo, mao ang akong magbalantay,
ug dili ako makabsan sa tanan kong gikinahanglan.
Daw karnero ako nga gipapahulay mo diha sa sabsabanan
nga abunda sa lunhawng mga sagbot,
ug gigiyahan ngadto sa tin-aw nga tubig.
Gilig-on mo ako.
Gitultolan mo ako sa hustong dalan aron ikaw mapasidunggan.
Bisan pa ug maglakaw ako
sa walog nga labihan kangitngit,
dili ako mahadlok
tungod kay kauban ka nako.
Ang imong pagpanalipod ug paggiya1
nagpalig-on kanako.
Giandaman mo ako ug kombira samtang nagtan-aw
ang akong mga kaaway.
Gidihogan mo ug lana ang akong ulo ingon
nga imong pinasidunggang bisita.
Ug gipatuyangan mo ako sa ilimnon.
Nakasiguro gayod ako nga ang imong kaayo ug gugma kanako magpadayon
sa tibuok kong kinabuhi.
Ug mopuyo2 ako sa imong balay3, Ginoo,
hangtod sa kahangtoran.4
Source notes (4)
- Footnote Sa literal, gipanalipdan mo ako pinaagi sa imong bunal ug sungkod.
- Footnote mopuyo : mao kini sa Septuagint; apan sa Hebreo, magbalik.
- Footnote balay : tingali ang buot ipasabot, ang templo ; o ang puloy-anan sa Dios sa langit.
- Footnote hangtod sa kahangtoran : o sa walay kataposan.
Biblica® Open Ang Pulong sa Dios. Copyright © 2009,2010,2014,2024 Biblica, Inc. Licensed under CC BY-SA 4.0. Trademark Statement “Biblica” narehistro kini nga tatak sa United States Patent ug Trademark Office sa Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.