Biblica® Open Ang Pulong sa Dios
Mga Salmo 130
Ang awit samtang gatungas.
Tungod sa tumang kalisod nanawag ako kanimo, Ginoo.
Pamatia ang akong pagpakiluoy kanimo.
Ginoo, kon gilista mo pa ang among mga sala,
kinsa pa kahay mahibilin sa imong presensya?1
Apan gipasaylo mo kami, busa amo kang ginatahod.
Naghulat gayod ako kanimo, Ginoo,
ug nagsalig ako sa imong pulong.
Naghulat ako kanimo, Ginoo,
labaw pa sa paghulat sa mga tigbalantay sa kabuntagon.
Mga taga-Israel, salig kamo sa Ginoo,
kay mahigugmaon siya ug andam kanunay nga moluwas.
Siya mismo ang moluwas kaninyo
gikan sa tanan ninyong mga sala.
Source notes (1)
- Footnote mahibilin sa imong presensya : o makaikyas sa imong silot.
Biblica® Open Ang Pulong sa Dios. Copyright © 2009,2010,2014,2024 Biblica, Inc. Licensed under CC BY-SA 4.0. Trademark Statement “Biblica” narehistro kini nga tatak sa United States Patent ug Trademark Office sa Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.