Biblica® Open Ang Pulong sa Dios
Mga Salmo 122
Ang awit samtang gatungas si David.
Nalipay ako sa dihang miingon sila kanako,
“Mangadto kita sa Templo sa Ginoo.”
Ug karon, ania na kami nagtindog sa pultahan sa Jerusalem!
Ang Jerusalem usa ka siyudad nga maayong pagkatukod ug lig-on.
Motungas didto ang mga tribo sa Israel sa pagdayeg sa Ginoo
sumala sa iyang gisugo kanila.
Atua sa Jerusalem ang trono nga lingkoranan sa mga hari nga kaliwat ni David
kon magdumala sila ug maghukom.
Pag-ampo kamo alang sa maayo nga kahimtang1 sa Jerusalem pinaagi sa pag-ingon,
“Hinaut nga magmauswagon ang nahigugma niining siyudara.
Hinaut nga adunay kalinaw,
panaghiusa, ug kauswagan sa sulod sa Jerusalem
ug sa lig-ong mga bahin niini.”
Tungod sa akong mga paryente ug mga higala, moingon ako,
“Hinaut nga magpadayon ang kalinaw ug maayo nga kahimtang sa Jerusalem.”
Tungod ug alang sa Templo sa Ginoo nga atong Dios,
mag-ampo ako alang sa kauswagan sa Jerusalem.
Source notes (1)
- Footnote Ang Hebreo niini shalom, nga nagkahulogan sa kalinaw, kauswagan, maayo nga relasyon, kalipay, kadaogan.
Biblica® Open Ang Pulong sa Dios. Copyright © 2009,2010,2014,2024 Biblica, Inc. Licensed under CC BY-SA 4.0. Trademark Statement “Biblica” narehistro kini nga tatak sa United States Patent ug Trademark Office sa Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.