Biblica® Open Ang Pulong sa Dios
Ester 10
Ang Pagkagamhanan ni Haring Ahasuerus ug ni Mordecai
Gipabayad ni Haring Ahasuerus ug buhis ang tanang katawhan sa iyang gingharian, bisan kadtong namuyo sa mga isla.1 Ang mga binuhatan ug ang mga kasaysayan sa pagkagamhanan ni Haring Ahasuerus apil ang kinatibuk-an sa sugilanon sa kabantog ni Mordecai, nga gihatagan sa hari ug taas nga ranggo, nasulat sa libro sa mga sugilanon bahin sa mga hari sa Media ug Persia. Ang Judio nga si Mordecai nahimong ikaduha sa ranggo kang Haring Ahasuerus. Inila gayod siya sa iyang isigka-Judio, ug tinahod nila siya kay naghago siya alang sa ilang kaayohan, ug mibarog alang sa ilang kasigurohan.
Source notes (1)
- Footnote isla : o dapit duol sa dagat ; o halayong dapit.
Biblica® Open Ang Pulong sa Dios. Copyright © 2009,2010,2014,2024 Biblica, Inc. Licensed under CC BY-SA 4.0. Trademark Statement “Biblica” narehistro kini nga tatak sa United States Patent ug Trademark Office sa Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.