Biblica® Open Cebuano Contemporary Bible 2024
Mga Salmo 131
Ang awit samtang gatungas. Sulat ni David.
O Ginoo, dili ako garboso ug mapahitas-on.
Wala ako mangandoy sa dagko ug pinasahi nga mga butang nga dili ko masarangan.
Sa pagkatinuod, kontento na ako ug malinawon,
sama kakontento ug kamalinawon
sa usa ka bata kon kauban niya ang iyang inahan.
Mga taga-Israel, salig kamo sa Ginoo karon ug hangtod sa kahangtoran.
Biblica® Open Cebuano Contemporary Bible 2024. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.