Skip to content
BibleKenya

Lok

Luke

Introduction from this edition

Mwanɔ Kosɔka kwa Yɛso Kilishito // Byekɔlilɛ Loka

LOKA

EKINGELELƆ

Loka nǎ minɛ kwekɔlilɛ ê etabɔ. Kwebɛlɛ N'kilahi, eyaka kushibɛlɛ N'yola. Kwekɔlilɛ ê etabɔ yolo kosambelɛ bashi Bayola Mwanɔ Kosɔka kwa bohɔnya ohetela Yɛso Kilishito. Eyaka kɛ nǎ minɛ kwekɔlilɛ etabɔ ya Bikɔkɔ bya Bakikiwa. Kɛ Loka kushimɔninɛ Yɛso, ela kweɛbilɛ wɛ̌nɛ komanɛ yolo ya Yɛso o baya bɛnɛ bebɛlɛ oshama nǎkɛ.

Loka kohomɔnya kɛte Yɛso Kilishito nǎ Mwǎna kwa N'to minɛ kwechǔlɛ oɛba na ohɔnya bato bebachiminɛ (Loka 19.10). Eyaka kohomɔnya kɛte Yɛso kwebɛlɛ na kɛnɛ o bato bɛnɛ bebɛlɛ ba ɛchiwɛ nɛhɛ biya: bambuchu, na bǎchana, na bǎna. Loka kohotɔkɔma yolo ya n'kelɔ kwa N'tema Kohaha m'biya byɛnɛ Yɛso kwebɛlɛ oeta.

Etabɔ ya Loka nǎ yebaba elǎhu oheta bitabɔ byɔsɛ bya Alakɔ Ahya. Wa otolá ê etabɔ, Loka kohotɔkɔma bǐngi yolo ya oboswa wa Yɛso ( Loka 1-2), kohotɔkɔma eyaka yolo ya lobotɔ lwa Yɛso (Loka 3.23-38). Eyaka kohotɔkɔma yolo ya lochunjɔ lwa Yɛso (Loka 3.21), nǎ otɔndiwa wakɛ na Ehengele (Loka 4.1-13), na n'kelɔ kwakɛ (Loka 4-21), na obewa wakɛ on'salaba (Loka 22-23), okuka wakɛ (Loka 24). Ohwa, Loka kwamɔnya byɛnɛ Yɛso kwelemɔnyinyɛ eyaka o balɔmbwɛ bakɛ nyɛndɔ chǐngi o nyuma wa okuka wakɛ. Kwebabangya o n'kelɔ wa otɔkɔma Mwanɔ Kosɔka o bato. O isula, Loka kohotɔkɔma byɛnɛ Abɛcha kwehɛchichɛ Yɛso hakolo.

Buyu Traduction. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.