ဂ​လာ​တိ

ဂ​လာ​တိ​သြ​ဝါ​ဒ​စာ

နိ​ဒါန်း

ယု​ဒ​အ​မျိုး​သား​မ​ဟုတ်​သူ​တို့​သည် သ​ခင် ယေ​ရှု​အ​ကြောင်း​သ​တင်း​ကောင်း​ကို​ကြို​ဆို လက်​ခံ​ယုံ​ကြည်​လာ​ကြ​သော​အ​ခါ မော​ရှေ​၏ ပ​ညတ်​တ​ရား​ကို​စောင့်​ထိန်း​ဖို့​လို​မ​လို​ဟူ သော​ပြ​ဿ​နာ​ပေါ်​ပေါက်​လာ​၏။ ရှင်​ပေါ​လု​က ယင်း​သို့​စောင့်​ထိန်း​ရန်​မ​လို​ကြောင်း၊ ခ​ရစ်​ယာန် ဖြစ်​ရန်​တစ်​ခု​တည်း​သော​လို​အပ်​ချက်​မှာ ခ​ရစ် တော်​ကို​ယုံ​ကြည်​ခြင်း​ပင်​ဖြစ်​ကြောင်း၊ ဤ​နည်း အား​ဖြင့်​သာ​လျှင်​လူ​ကို​ဘု​ရား​သ​ခင်​နှင့်​မှန် ကန်​စွာ​ဆက်​ဆံ​စေ​နိုင်​ကြောင်း​တို့​ကို​တင်​ပြ သည်။ သို့​ရာ​တွင်​အာ​ရှ​မိုင်း​နား​ဒေ​သ၊ ရော​မ နိုင်​ငံ​၏​လက်​အောက်​ခံ​ပြည်​နယ်​တစ်​ခု​ဖြစ် သည့်​ဂ​လာ​တိ​ပြည်​ရှိ​အ​သင်း​တော်​များ တွင်​ရှင်​ပေါ​လု​အား​အ​တိုက်​အ​ခံ​ပြု​သူ များ​က ခ​ရစ်​ယာန်​ဟူ​သည်​ဘု​ရား​သ​ခင်​နှင့် မှန်​ကန်​စွာ​ဆက်​ဆံ​နိုင်​ရန် မော​ရှေ​၏​ပ​ညတ် တ​ရား​ကို​လည်း​စောင့်​ထိန်း​ဖို့​လို​ကြောင်း အ​လေး​အ​နက်​ပြော​ဆို​ကြ​၏။

ယင်း​သို့​မှား​ယွင်း​သည့်​အ​ယူ​ဝါ​ဒ​ကို​ခံ​ယူ​မိ သူ​တို့​အား မှန်​ကန်​သည့်​လမ်း​ကြောင်း​ပေါ်​သို့​ရောက် ရှိ​နိုင်​စေ​ရန် ရှင်​ပေါ​လု​သည်​ဂ​လာ​တိ​သြ​ဝါ​ဒ​စာ ကို​ရေး​သား​လေ​သည်။ မိ​မိ​သည်​သ​ခင်​ယေ​ရှု​ခ​ရစ် ၏​တ​မန်​တော်​ဖြစ်​ကြောင်း​ကို​အ​ကျိုး​အ​ကြောင်း နှင့်​တ​ကွ​ဦး​စွာ​တင်​ပြ​၏။ လူ​၏​အ​ခွင့်​အာ​ဏာ နှင့်​မိ​မိ​အား​တ​မန်​တော်​အ​ဖြစ်​ခန့်​ထား​သည် မ​ဟုတ်​ဘဲ ဘု​ရား​သ​ခင်​၏​အ​ခွင့်​အာ​ဏာ​တော် နှင့်​သာ​ခန့်​ထား​ခြင်း​ဖြစ်​ကြောင်း၊ မိ​မိ​ပေး​အပ် ခြင်း​ခံ​ရ​သည့်​အ​ထူး​တာ​ဝန်​မှာ ယု​ဒ​အ​မျိုး သား​မ​ဟုတ်​သူ​တို့​ထံ​တွင်​အ​မှု​တော်​ဆောင်​ရန် ဖြစ်​ကြောင်း​ပြော​ပြီး​နောက်၊ မည်​သူ​မ​ဆို​သ​ခင် ယေ​ရှု​ကို​ယုံ​ကြည်​ခြင်း​အား​ဖြင့်​သာ​လျှင် ဘု​ရား သ​ခင်​နှင့်​မှန်​ကန်​စွာ​ဆက်​ဆံ​နိုင်​သည်​ဟူ​သော အ​ချက်​ကို​အ​ကျယ်​တ​ဝင့်​ရှင်း​လင်း​တင်​ပြ​၏။ နိ​ဂုံး​ချုပ်​အ​ခန်း​များ​တွင်​ခ​ရစ်​ယာန်​တို့​သည် မိ​မိ​တို့​၏​ပြု​မူ​ကျင့်​ကြံ​မှု​တို့​အား​ဖြင့် ခ​ရစ် တော်​ကို​ယုံ​ကြည်​မှု​အ​ပေါ်​အ​ခြေ​ခံ​သော မေတ္တာ​တ​ရား​ကို​အ​ကောင်​အ​ထည်​ဖော်​ရ​မည် ဖြစ်​ကြောင်း​သြ​ဝါ​ဒ​ပေး​လေ​သည်။

အ​ကြောင်း​အ​ရာ​အ​ကျဉ်း​ချုပ်

နိ​ဒါန်း

တ​မန်​တော်​အ​ဖြစ်​ရှင်​ပေါ​လု​ရ​ရှိ​ထား​သည့် အ​ခွင့်​အာ​ဏာ

ဘု​ရား​သ​ခင်​၏​ကျေး​ဇူး​တော်​အ​ကြောင်း သ​တင်း​ကောင်း

ခ​ရစ်​ယာန်​လွတ်​လပ်​မှု​နှင့်​တာ​ဝန်​ဝတ္တရား

နိ​ဂုံး